Атырдьах ыйын 5 күнэ: сорох сиринэн ардах, тобурах түһэр, күнүс +28°С 

Саха сиринээҕи УГМС саайтын иһитиннэриитинэн, бүгүн, атырдьах ыйын 5 күнүгэр, Халымаҕа ардах түһүөҕэ.

Саха сирин соҕуруу, Илин Эҥэр, илин улуустарынан быстах ардахтыыр, сорох сиринэн этиҥнээх ардах, тобурах түһэрэ күүтүллэр.

Сиккиэр тыаллаах.  Өлүөнэ алын тардыытынан, Халымаҕа тыала сөкүүндэҕэ 9-14 м. түргэннээх, оттон этиҥнээх ардах кэмигэр 15-20 м. тиийэ күүһүрүөҕэ.

Салгын температурата түүн +10…+15°, хоту 0…+5°, күнүс +23…+28°, хоту +13…+18°, Халыма улуустарыгар +8…+13° буолуоҕа.

Дьокуускайга ардаҕа суох, тыал хотугулуу-арҕааттан сөкүүндэҕэ 3-8 м. түргэннээх. Салгын температурата түүн +13…+15°, күнүс +25…+27° кыраадыс сылаас.