Хаартыска: PxHere саайтан.
Сайын барахсан өссө да бүтэ илигинэн, уоппускаҕа барааччылар ох курдук оҥосто сылдьар кэмнэрэ. Онон Арассыыйа атын эрэгийиэннэригэр күн-дьыл бу ыйга хайдаҕын көрөн ылыахха.
Карелияҕа, Калининградскай уобаласка салгын кыраадыһа нуорматтан үрдүк буолара күүтүллэр. Күнүһүн ортотунан 19-24 кыраадыс.
Киин уобаластарга температура күнүһүн ортотунан 20-25 кыраадыс сылаас, Волга үөһээ өттүгэр плюс 19-24 буолар, Казаньтан соҕуруу өттүгэр сылаас – 24-29 кыраадыс. Соҕуруу эрэгийиэннэргэ кыраадыс +33-кэ тиийэ итийиэ.
Уралга уонна Арҕаа Сибиир соҕуруу өттүгэр сылаас туруо, арай Кемеровскай уобаласка уонна Алтаайга сөрүүдүйүө.
Красноярскай кыраай, Иркутскай уобалас киин уонна соҕуруу оройуоннарыгар температура нуорматтан арыый намыһах буолара күүтүллэр, күнүһүн 18-23 кыраадыс.
Уһук Илин диэки барааччыларга үчүгэй сонун — +27 кыраадыска диэри итии турар.
Дойду хотугулуу-арҕаа уобаластарыгар, Томскай, Новосибирскай, Кемеровскай уобаластарга, Тула, Рязань, Белгород уобаластарын диэки улаханнык ардыа суоҕа. Ол оннугар Уралга, Башкортостаҥҥа, Татарстаҥҥа, Хабаровскай кыраайга, Магадаҥҥа ардахтаах буолуо.
Москваҕа атырдьах ыйыгар улахан сөҥүү түһүө суоҕа, ый саҕаланыыта итии буолуо, оттон бүтүүтүн диэки эмискэ тымныйан, хаһыҥ да түһүөн сөп, диэн иһитиннэрэр “Российская газета” хаһыакка Арассыыйа Гидрометкиинин лабораториятын сэбиэдиссэйэ Людмила Паршина.
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…