СИА хаартыската.
Саха сиригэр бу нэдиэлэ бүтүөр диэри сөрүүн күннэр туруохтара. Атырдьах ыйын саҕаланыыта бастакы тоҥоруулар түһэллэрэ күүтүллэр диэн Саха сиринээҕи УГМС салайааччытын солбуйааччы — Гидрометкиин начаалынньыга Татьяна Маршалик иһитиннэрдэ диэн СИА суруйар.
«Саха сиригэр күн-дьыл туруга биллэ уларыйда. Бүгүҥҥү күҥҥэ ханна да 30 кыраадыстаах итии суох. Сарсын-өйүүн хотугулуу-илин улуустарга уонна илин эҥээр сорох улуустарыгар кыралаан ардыаҕа. Онтон нэдиэлэ бүтүөр диэри сөҥүүтэ суох, нуорматтан аллараа температуралаах сөрүүн күннэр туруохтара», — диир Татьяна Маршалик.
Киин, арҕаа уонна соҕуруу улуустарга халлаан халыннаҕына, түүн +5… +10 кыраадыс буолара күүтүллэр. Арктика кытылыгар бу нэдиэлэҕэ түүн тымныйыаҕа, оттон күнүс +14… +19 кыраадыстан үрдүө суоҕа.
Атырдьах ыйа сылаас уонна ардахтаах буолуоҕа. «Кэлэр нэдиэлэҕэ салгын сылыйыа, ол эрээри сөрүүн күннэр туруохтара. Түүн бастакы биэс күҥҥэ +9… +14 кыраадыс, сорох сиринэн тоҥоруоҕа, күнүс +22… +27 кыраадыс буолара күүтүллэр. Атырдьах ыйын иккис аҥаарыгар күнүс +14… +19 кыраадыс буоларын күүтэбит», — диэн Татьяна Маршалик эбэн эттэ.
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…