Хаартыска: www.sakha.gov.ru
Атырдьах ыйын 1-21 күннэригэр СӨ Билим дьоҕус академиятыгар байыаннай эпэрээссийэ кыттааччыларын оҕолоругар сайыҥҥы лааҕыр үлэлиир. Бу туһунан брифинг кэмигэр Билим дьоҕус академиятын ректора Василий Павлов иһитиннэрдэ.
“Сайыҥҥы лааҕыр түөрт хайысханан үлэлиир: билим, ускуустуба, успуорт уонна креативнай индустрия. Хас биирдии хайысханан үөрэтэр, дискуссионнай былаһааккалар ыытыллаллар. Холобур, “Успуорт” хайысхаҕа оҕолор эттэрин-сииннэрин эрчийэллэр, тхэквондоҕа, саахымакка, Го оонньууга сылдьаллар. “Билим” хайысхаҕа олохтоох сири-уоту үөрэтиигэ, матырыйаал хомуйуутугар уонна анаалыһыгар билим-чинчийэр үлэлэринэн дьарыктаналлар, уопут оҥороллор”, — диэн Василий Павлов кэпсээтэ.
“Креативнай индустрия” хайысханан ыытыллар тэрээһиннэри байыаннай эпэрээссийэ кыттыылаахтарын оҕолоро олус сөбүлүүллэр. Бэйэлэрин виртуальнай эйгэлэрин оҥороллор, бырагыраама саҥа тылларын үөрэтэллэр.
“Ону тэҥэ, “Ускуустуба” хайысха олус сэргэхтик барар. Бу — матырыйаалы кытта үлэ, үҥкүүгэ дьарык, муусука үстүрүмүөннэригэр оонньооһун, уруһуй. Оҕолор бары биһирээтилэр”, — диэн Билим дьоҕус академиятын ректора бэлиэтиир.
Санатан эттэххэ, Ил Дархан Айсен Николаев уонна олохтоох Бырабыыталыстыба ыйаахтарынан байыаннай эпэрээссийэ кытыылаахтарыгар уонна кинилэр дьиэ кэргэттэригэр барыта 19 социальнай өйөбүл миэрэтэ көрүллэр. Ону тэҥэ, биэс базовай муниципальнай социальнай өйөбүл миэрэтэ бигэргэммитэ.
Ил Дархан уонна Бырабыыталыстыба пресс-сулууспата.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…