Атыы-эргиэн киинигэр улахан суума харчылаах бакыат көһүннэ

Киин куорат «Республика» атыы-эргиэн киинигэр улахан суумалаах бакыат көһүннэ.

Атыы-эргиэн киинин дьаһалтатын үлэһиттэрэ бакыат хаһаайынын көрдүүр үлэни ыыттылар. Сотору кэминэн киэһэ 19.30 чааска социальнай ситимнэринэн үгүөрү суумалаах бакыат хаһаайынын булбуттарын туһунан иһитиннэрдилэр.

Киин үлэһиттэрэ кэпсээбиттэринэн, сүтүктээх хаһаайын харчытын сүтэрбитин туһунан билбэккэ да сылдьыбыт, арай сонуннарга ааҕан баран, харчытыттан мэлийэ сыспытыттан соһуйбут. Ол курдук атыы-эргиэн киинин биир арендатора туох да улахан санааҕа баттаппакка харчытын тутатына төнүннэрдэ. Оттон булбут киһиэхэ махтаннылар уонна манньатыгар кыра төлөбүр анаатылар.