Атыыһыт дьахтар үлэлиир маҕаһыыныттан харчыны уорбут
03.07.2025, 20:30
Хаартыска: Мария Васильева, СИА.
Бөлөххө киир:
Ис дьыала министиэристибэтин Чурапчытааҕы дьуһуурунай чааһыгар маҕаһыын хаһаайыныттан сайабылыанньа киирбит. Ол курдук маҕаһыыныттан 77 000 солк. тахса харчыны уорбуттар.
Суһал-ирдиир үлэ кэмигэр холуобунай ирдэбил үлэһиттэрэ уорууга 36 саастаах туһааннаах маҕаһыын атыыһыта уорбаланарын быһаарбыттар.
Ол курдук уорбаланааччы хас да нэдиэлэ устата биллибэтинэн маҕаһыын каассатыттан харчыны уора сылдьыбыт. Дьахтар уорбут харчытын барытын бэйэтин наадатыгар туһаммыт.
Билигин дьахтарга РФ Холуобунай кодексын 158 ыст. 2 чааһынан холуобунай дьыала көбүтүлүннэ.
Сообщить об опечатке
Текст, который будет отправлен нашим редакторам: