Ахсынньы 16 күнүгэр кэтэһиилээх “Аватар: Путь воды” киинэ аан дойду үрдүнэн аан бастаан көстөр. Бу 2009 сыллаахха көстүбүт киинэ салгыытын режиссер Джеймс Кэмерон сүгүрүйээччилэрэ өр да кэтэстилэр! Онуоха быйыл киинэ тыйаатырдарыгар кыайан көстүө суоҕа диэн хомойоллор этэ. “Аватар: Путь воды” киинэ Дьокуускайга “Центральнай” киинэ тыйаатырыгар көстөр буолла!
Билиҥҥитэ, чопчу хаһан көрдөрөллөрө биллибэт диэн СИА иһитиннэрэр. Атын киинэ тыйаатырдарыгар көстөрө биллибэт. “Лена” тыйаатырга чуолкай көстүбэт диэн иһитиннэрбиттэр.
“Аватар” бастакы чааһа аан дойдуга кинематография историятыгар саамай элбэх үбү хомуйбут уонна “Оскарга” «Лучшая работа художника-постановщика», «Лучшая операторская работа», «Лучшие визуальные эффекты» номинацияларга бириэмийэлэри ылбыт, аар-саарга аатырбыт киинэ буолар. Бу киинэҕэ көстөр атын планета биистэрин итэҕэллэрэ саха итэҕэлигэр маарынныыра эмиэ бэлиэтэммитэ. Чахчыта, бу олоҥхо, остуоруйа курдук олус чаҕылхай уонна сырдык, үтүө санааны саҕар киинэ буолар.
Джеймс Кэмерон “Терминатортан”, “Титаниктан” саҕалаан, киинэлэрин олус кичэйэн, кыһаллан, дьону соһутар-сөхтөрөр ньымалары туһанан устара биллэр. Оттон бу “Аватар” иккис чааһын 13 сыл устата кэтэһиннэрдэ. Дьэ, хайдах-туох оҥорбута буолуой?
“Аватар: Путь воды” киинэҕэ сүрүн дьоруойдар олохторо салгыы көстөр. Өстөөхтөрүн үүрбүттэрин кэнниттэн, 15 сыл ааспыт. Дьоруойдар оҕоломмуттар, олус дьоллоохтук олороллор. Ол эрээри, күн туллара, күһэҥэ быстара эмиэ ааҥнаан кэлэр…
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…