Ю.Гагарин аатынан култуура кииниттэн
Дьокуускайга Ю.А.Гагарин аатынан култуура уонна аныгы ускуустуба киинигэр худуоһунньук-модельер А.Н.Филиппова быыстапката буолаары турар.
Тэрээһин «Северное сияние России: культурный код Августины Филипповой» бырайыагы олоххо киллэрии иитинэн, Бэрэсидьиэн култуура көҕүлээһиннэрин өйүүр пуондатын өйөбүлүнэн ыытыллар.
«Кыһын остуоруйата» быыстапка ааттаах-суоллаах худуоһунньук, модельер-новатор, режиссер уонна суруйааччы Августина Филиппова 75 сааһынан тэриллэр. Манна худуоһунньук киэҥ аудиторияҕа өссө да көрдөрө, арыйа илик айымньыларын, графикаҕа уонна литератураҕа үлэлэрин, көрдөрөр, билиһиннэрэр. Туох баар үлэтигэр маастар үөрүйэҕэ, норуот тыйаатырыгар режиссер айана, педагог, худуоһунньук-туруорааччы быһыытынан сыраласпыт ураты үлэлэрэ түмүллэллэр.
Быыстапкаҕа көрөөччүлэр кини элбэх үлэтин көрөллөрүн сэргэ, аудионан бэртээхэй остуоруйалары астына, сэргии истиэхтэрэ. Ону сэргэ, куукулалары оҥорор маастардар, «Алыптаах холбука» куукулалары оҥорууга ыытыллыбыт күөн күрэс кыайыылаахтарын үлэлэрин көрүөхтэрэ.
Быыстапка сэтинньи 16 күнүттэн ахсынньы 2 күнүгэр диэри нэдиэлэ иккис күнүттэн субуотаҕа диэри үлэлиир. Быыстапка туһунан сиһилии: gagarin-cultcenter.ru киирэн көрүөххүтүн сөп.
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…
300 киһи олорор Өймөкөөн улууһун Үчүгэй нэһилиэгэр саҥа технологиянан оҥоһуллубут «Экстра Синема» киинэ саалата үлэҕэ…
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…