Аэрофлот сайтыттан
“Аэрофлот”, “Уральские авиалинии” авиахампаанньалар тохсунньу 1 күнүттэн Арассыыйа иһинэн көтүүгэ оҕолорго, иккилэриттэн уон икки саастарыгар диэри, билиэт сыанатын 50 бырыһыан түһэриэхтэрэ. Авиахампаанньалар чэпчэтиллибит билиэттэри бу күннэртэн саҕалаан атыыга таһаардылар.
Санатан эттэххэ, Владимир Путин ахсынньы 19 күнүгэр ыыппыт сылы түмүктүүр быһа биэриитигэр элбэх оҕолоох ыалларга көтөр аал билиэтин сыаната чэпчэтиллибитинэн син-биир ыараханын туһунан иһитиннэрбиттэрэ. Манна хоруйдаан Владимир Путин бырабыыталыстыбаҕа сорудах биэрбитэ.
— Сокуоҥҥа элбэх оҕолоох ыалга көтөр аал билиэтиттэн 50 бырыһыан чэпчэтэргэ диэн сурулла сылдьар. Ол эрээри билигин авиахампаанньалар бэйэбит чэпчэтии оҥордубут диэн ааттаан билиэт сыанатыттан кып-кыраны эрэ түһэрэллэр. Маннык салгыы барара сатаммат, онон бырабыыталыстыба кылгас кэм иһигэр бу боппуруоһунан дьарыктаныҥ, — диэн иһитиннэрбитэ Владимир Владимирович.
Бу күннэргэ “Аэрофлот”, “Россия”, “Уральские авиалинии” хампаанньалар оҕолорго 50 % чэпчэтиллибит билиэти атыыга таһаардылар. Бу билиэттэри Арассыыйа хайа баҕарар хайысхатынан, тохсунньуттан саҕалаан туһаныахха сөп. Субсидиялаах, анал чэпчэтиилээх билиэттэр оннуларынан хааллылар.
Инбэлииттэргэ уонна инбэлиит оҕолоох дьиэ кэргэттэргэ араас өрүттээх көмө оҥоһуллар. СӨ Үлэҕэ уонна социальнай сайдыыга …
Дьокуускай куорат борокуратуурата 35 саастаах киһи холуобунай дьыалатыгар судаарыстыбаннай буруйдааһыны өйөөтө. Бу сууттаммыт киһи өлөрүүгэ…
Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…
РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…
Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…
- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…