Хаартыска СӨ экологияҕа министиэристибэтиттэн
Бүлүү, Кэбээйи, Мииринэй уонна Ленскэй оройуоннарыгар баһаар суох оройуоннарыттан 150-тан тахса парашютиһы, десантнигы уонна ойуур сулууспаларын үлэһиттэрин көһөртүүллэр диэн СӨ Экологияҕа министиэристибэтэ иһитиннэрэр.
«Авиалесохрана» уонна «Якутлесресурс» күүстэрин эрэгийиэн иһинээҕи быһаарыы чэрчитинэн ыытыллар.
Атырдьах ыйын 18 күнүгэр «Авиалесохрана» уонна «Якутлесресурс» үлэһиттэрэ Бүлүү, Ленскэй, Мииринэй, Нерюнгри, Өлүөхүмэ, Сангаар улуустарыгар 955 га иэннээх сиргэ, 8 ойуур баһаарын умуруорууга үлэлииллэр. Уоту утары охсуһуу сүрүннээн тиэхиньикэ тиийбэт, ыраах сирдэригэр илиинэн ыытыллар. Бензопилалар, күрдьэхтэр, уулаах суумкалар көмөлөрүнэн уоту умуруораллар. Уоту тохтоторго сыалтан килэмиэтирдээх сирдэринэн минерализованнай балаһалар оҥоһуллаллар. Уот салгыы барарын сорох сирдэргэ уу эбийиэктэрэ харгыстыыллар.
Ол курдук, Бүлүү оройуонугар баһаарга «алдьатыылаах уоту» тохтоторго үлэһиттэр уулаах сир икки ардыгар минерализованнай балаһалары илиинэн хаһан оҥороллор.
Баһаары умуруорууга Саха сиригэр 389 киһи үлэлии сылдьар. Онуоха аиация эмиэ туһаныллар. Икки тиэхиньикэни Өлүөхүмэ оройуонугар биир эрэ баһаары умуруорууга тиэртилэр.
Кэлэр үс сууккаҕа Саха сирин үгүс оройуоннарыгар ардаҕа суох, сорох сирдэринэн кылгас кэмҥэ ардах түһүөн сөп. Соҕуруу, соҕуруулуу-арҕаа уонна киин улуустарга сылыйара күүтүллэр.
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…