Авиалесоохрана салалтата: «Саха сирэ айылҕа баһаарын сэрэтиигэ сөптөөх үлэни ыытар»

Саха сиригэр баһаар үөскүүрүн утары ыытыллыбыт тэрээһиннэри Авиалесоохрана киин базатын салайааччыта Дмитрий Селин үрдүктүк сыаналаата. Ордук чорботон баһаар кутталын кылааһын намтатыыга зондировщик-сөмөлүөттэр үлэлэрин бэлиэтээтэ.

“Саха сирэ ойуур баһаарын утары охсуһууга сүүнэ улахан уопуттаах. Бу Арассыыйа саамай киэҥ сиргэ тэнийэн сытар тыалаах эрэгийиэнэ. Эрэгийиэн салайааччыта уонна олохтоох хамаанда сөптөөх тэрээһиннэри ыыппыттара көстөр. Айылҕа баһаардарын биэс сыллаах статистикатын көрдөххө, урут суһал быһыы-майгы эрэсиимигэр ыам ыйыттан киирэр этибит. Билигин баһаары сэрэтии үлэ сөптөөх таһымҥа тахсыбытын бэлиэтиибит”, — диэн эттэ Дмитрий Селин.