«Авитоҕа» Саха сириттэн хаары атыылыыр туһунан биллэрии таҕыста

Арассыыйатааҕы «Авито» сирэбискэ «Саха сириттэн саамай ыраас хаары атыылыыбын» диэн биллэрии таҕыста.

Дьикти табаары атыылааччы, Саха сирин саамай ыраас хаарын киилэтин 200 солк. атыылыыр. Биллэрии биэрээччи иһитиннэриититтэн көрдөххө, Саха сириттэн хаары таһааччы хампаанньа Москваҕа баар.

«Биһиги Саха сирин ыраах сытар тыаларыттан саамай ыраас, экологическай өттүнэн куттала суох хаары атыылыыбыт. Хаар убаҕас көрүҥүнэн ыытыллар», — диэн табаары ойуулааһыҥҥа атыыһыт суруйар.

Атыыһыт Саха сирин ыраас хаара утахтары уонна бородуукталары сойутарга, хатыламмат эйгэни тэрийэри бигэргэтэр.

«Биһиги хаарбыт кыра тэрээһиннэри ыытарга олус табыгыстаах. Тиэйэн ыытыыга уонна харайыыга эмиэ табыгастаах. Саха сирин хаарын сакаастаан!»,- диэн атыылааччы суруйар.

Таарыччы эттэххэ, сиэрбискэ биллэриини таһаарбыт киһи рейтинэ олус үрдүк. Оччотугар биир киһи олоҕор саамай ыраас хаар буоларын туһунан кэмэнтээрий хаалларбыт.