Сахагов
«Аврора» хампаанньа Уһук Илиҥҥэ эмиэ инники күөҥҥэ таҕыста. Ол курдук, сыл бастакы аҥаарыгар 742 тыһ. пассажиры таһан, ааспыт сыллааҕар 4 % куоһарда.
Норуоттар икки ардыларынааҕы хайысхаҕа сыл бастакы аҥаарыгар 61000 пассажиры илтэ.
«Эрэгийиэннэри сайыннарыыга үлэлиир хампаанньа Арассыыйа Бэрэсидьиэнин Владимир Путин сорудаҕынан тэриллибитэ. Уһук Илиҥҥэ стратегическай суолталаах»,— диэтэ РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ Юрий Трутнев.
Биир кэлим Уһук Илиннээҕи авиахампаанньа бииргэ үлэлэһэр хампаанньаларын кытта 2025 сыл бастакы аҥаарыгар пассажирдары тиэйиилэрэ 8% эбилиннэ уонна 1238 тыһ. пассажирга тэҥнэстэ.
“Аврора” авиахампаанньа Уһук Илиҥҥэ сүрүн хампаанньанан биллэр уонна көрдөрүүлэрин тупсарар. Бырабыыталыстыба уонна эрэгийиэн субъектарын өйөбүлүнэн авиация салаатыгар баар ыарахаттары туоруубут, Уһук Илин федеральнай уокуругар тырааныспарынан сырыы баар буолуутун хааччыйабыт”, — диэтэ “Аврора” генеральнай дириэктэрэ Константин Сухоребрик.
Санаттахха, 2021 сылга Арассыыйа Бэрэсидьиэнин Владимир Путин сорудаҕынан “Аврора” авиахампаанньа баазатыгар биир кэлим эрэгийиэн хампаанньаларын кытта – “Хабаровские авиалинии”, “Якутия”, “Полярные авиалинии”, “Камчатское авиапредприятие” уонна “ЧукотАвиа” бииргэ үлэлэһэр хампаанньа тэриллибитэ. Авиахампаанньалар 396 туһаайыынан сылдьаллар, УИФУо-ҕа 1 субъегар 264 нэһилиэнньэлээх пууну хабаллар. Ол иһигэр 33 социальнай суолталаах маршрут баар.
СӨ Ил Дарханын уонна Бырабыыталыстыбатын пресс-сулууспата
Биир дойдулаахпыт 17 саастаах Артур Портнягин НТВ ханаалыгар «Ты супер!» биэриигэ кыттыаҕа. ЯСИА суруйарынан, Артур…
Бүгүн, балаҕан ыйын 14 күнүгэр, олохтоох бириэмэнэн сарсыарда 08:00 чаастан Нам улууһугар быыбардыыр учаастактар үөрүүлээхтик…
Өбүгэлэрбит күһүнү түөрт кэрчиккэ үллэрэллэрэ. Ол курдук, атырдах ыйын 14 күнүттэн балаҕан ыйын 14 күнүгэр…
Бүгүн, балаҕан ыйын 14 күнэ – Быыбар биир кэлим күнэ. Саха сиригэр 8 чаастан быыбардыыр…
Балаҕан ыйын 13 күнүгэр 04.34 ч. Хаҥалас улууһугар баһаарынай-быыһыыр сулууспаҕа Покровскай куоракка Кыл Бастаах микро-оройуоҥҥа…
Сунтаар улууһугар Кириэстээххэ 528 нүөмэрдээх быыбардыыр учаастак 8.00 ч. үлэтин саҕалаабыта. Хамыыһыйа бэрэссэдээтэлэ Федот Усов.…