Хаартыска -- Елена Потоцкая
«Саха сирин амтана» гастрономическай бэстибээл түмүгэ таҕыста.
“Кыһын Саха сириттэн саҕаланар” кыһыҥҥы туризм бэстибээлин чэрчитинэн ыытыллыбыт 10-с үбүлүөйдээх «Саха сирин амтана» гастрономическай бэстибээл ГРАН-ПРИ кыайыылааҕынан «АВРОРА» эрэстэрээн-комплекса буолла.
СӨ Атыы-эргиэн, промышленнай палататын “Бастыҥ өҥөнү оҥоруу уонна сервис иһин” анал бирииһин «Аврора» рестораҥҥа туттарда.
Бу эрэстэрээн шеф-пуобарыгар Виктория Андрееваҕа сонун ураты бүлүүдэни толкуйдаан таһаарбытын иһин анал бирииһин «Табачно- кофейный дом» ХЭУо туттарда.
Быйыл куонкуруска кыттыбыт эрэстэрээннэр анал номинацияларга тигистилэр. Ол курдук, Национальнай бүлүүдэни бэлэмнээһин технологиятыгар уонна Саха сирин норуоттарын куукуналарын үгэстэрин сайыннарыыга “Бүлүүдэни амсатыы бастыҥ биһирэмэ” (“За лучшую презентацию дегустационного сета”) номинацияҕа CHUKCHA (“Чукча”) бар-эрэстэрэээн тигистэ.
Бу номинацияҕа фри-фло Кантри эрэстэрээн эмиэ бэлиэтэннэ.
Национальнай үгэстэри тутуһуу номинациятыгар«Орто дойду» эрэстэрээн бэлиэтэннэ.
Олохтоох аһы-үөлү туттан араас бүлүүдэ ырысыабын толкуйдааһын номинацияҕа «Зеленый город» эрэстэрээн тигистэ.
Бу эрэстэрээн шеф-пуобара Дмитрий Ким туспа наҕарааданы — «Кабаре» маҕаһыынтан анал тэрил сэртипикээтин тутта.
Бүлүүдэлэрин аныгылыы уратытык толкуйдаан оҥорууга «Кабинет» эрэстэрээн чорбойдо.
“За профессионализм” анал бириис «Кантри стейк» эрэстэрээн шеф-пуобарыгар Денис Ильюшиҥҥа тигистэ.
Киниэхэ «Новые Люди» баартыйаттан «PALAZZO DUCALE» эрэстэрээҥҥэ (Москва к.) стажировкаҕа барар бирииһи туттардылар.
Ити курдук, быйыл 10-с үбүлүөйдээх «Саха сирин амтана» гастрономическай бэстибээлгэ кыттыбыт саҥа эрэстэрээннэр бэйэлэрин ааттарын дорҕоонноохтук ааттаттылар.
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…