Дьокуускай куоракка «Аврора» үйэни уһатар киини кытта мин күһүн онно Үһүс көлүөнэ оскуолатын аҕам саастаах дьонунуун кэнсиэрдии тиийэн баран билсибитим уонна биирдэ эмит сынньаммыт киһи дии санаабытым.
Дьэ ол баҕа санаабын бу күннэргэ ситистим!
Биһиги араас улуустартан, Дьокуускай куораттан түмсэммит, 15 буолан сынньанныбыт, эмтэннибит, турукпутун тупсардыбыт.
Биһиги, 62-с сезон сынньанааччылара, бэркэ диэн астынан-дуоһуйан тарҕастыбыт. Макарова Вероника Александровна салайааччылаах «Аврора» киин үлэһиттэрэ олус диэн эйэҕэстэр-элэккэйдэр, бэйэлэрин идэлэрин толору баһылаабыт бэртээхэй исписэлиистэр. Аҕам саастаах дьону кытта үлэлии, алтыһа үөрэммиттэрэ харахха быраҕыллар. Этэргэ дылы, аҥаардас кинилэр көрүүлэрэ-истиилэрэ, туталлара-хабаллара сылааһа-сымнаҕаһа киһини уоскутар, ыарыыгын мүлүрүтэр. Бу сезоҥҥа сынньаммыт дьон бары биир киһи курдук олус үчүгэйдик сынньаммыттарын, туруктара тупсубутун, санаалара күүһүрбүтүн бэлиэтээн эттилэр.
Биһиги махтал истиҥ тылларынан ахтыахпыт куруук үөрэн мичилийэ сылдьар сиэстэрэбитин Альбина Алексеевнаны, сылаас-сымнаҕас илиилээх массажистарбытын Франческа Константиновнаны, ийэтигэр уһуйуллан ити уустук идэни баһылыы сылдьар Дмитрий Дмитриевиһи, сарсыарда аайы чэбдигирдэр хамсаныылары оҥорторор Николай Михайловиһы, күнүн аайы минньигэс аһынан күндүлүүр Рея Иннокентьевнаны.
Терапевт, невропатолог, кардиолог, офтальмолог быраастар көрдүлэр-иһиттилэр; анаалыстар, кардиограмма, УЗИ түмүгүнэн диагностика оҥордулар, салгыы хайдах эмтэнэрбитин сүбэлээтилэр.
Иллэҥ кэммитин бэрт туһалаахтык атаарбыппытыгар махтал тылларын этэбит культмассовик Евгения Кириловнаҕа, хореограф Александра Алексеевнаҕа, администратор Ньургуйаана Алквиадовнаҕа.
Манна кэлэн талааммытын арыйдыбыт: ыллаатыбыт-туойдубут, үҥкүүлээтибит; дефилеҕэ, флешмобка кытынныбыт, оһуохайдаатыбыт.
Түмүккэ кэнсиэр көрдөрөн хайҕанныбыт. Киин үлэһиттэрин эҕэрдэ кэнсиэрдэрин көрөн сөхтүбүт-махтайдыбыт!
«Аврора» киинтэн бэркэ астынан, чэбдигирэн, эрчим эбинэн, олоххо тардыһыыбыт күүһүрэн тарҕастыбыт.
Елена Прокопьева, уопсастыбаннай кэрэспэндьиэн
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…