«Автоледи» түмсүү кыргыттара мобилизацияламмыт уолаттары көрүстүлэр

Бу күннэргэ Алена Охлопкова бэрэссэдээтэллээх  «Автоледи» түмсүү кэрэ аҥаардара Хабаровскайга тиийэн, Нам улууһуттан быстах хомуурга мобилизацияламмыт уолаттары көрсөн, биир дойдулаахтарыттан  көмө туттардылар, алаадьынан күндүлээтилэр.

Ол курдук, Александр Тохтобин салайааччылаах Аппааны стрелковай спордун түмсүүтэ хомуйбут харчытыгар косынка, термонаскы, балаклава-мааска, эмп атыылаһан биэрдилэр.

Байыастар бэйэлэрин 186 тыһыынча солкуобай суумалаах харчыларынан берцы, наскы, балаклава-мааска, банаар, батарейка, камуфляжнай көстүүм, куурка, быа ылан тиэртилэр.

«Уолаттар биир дойдулаахтарын үтүө быһыыларыттан  олус үөрдүлэр, санаалара көтөҕүлүннэ«, — диэн тимир көлөнү баһылаабыт уопсастыбаннай  олоххо көхтөөх кыргыттар санааларын үллэстэллэр.

«Нам улууһа» МТ пресс- сулууспата