Автосервискэ сэттэ массыына умайда

ЫБММ Саха сиринээҕи управлениетын пресс-сулууспата иһитиннэрбитинэн, тохсунньу 20 күнүгэр  01:09 ч. баһаарынай-быыһыыр сулууспаҕа Дьокуускай куоракка Газомагистральнай уулуссаҕа баар  чааһынай автосервиска баһаар буолбутун  туһунан иһитиннэрии киирбит.

Баһаарга автосервис дьиэтэ уонна сэттэ массыына уокка былдьаммыт. Баһаарынайдар автосервис таһыгар баар икки чааһынай дьиэни быыһаабыттар.

Баһаары умуруорууга   51 киһи, 10 техника үлэлээбит.

Барыллаан быһаарыынан баһаар уот ситимэ кылгас тиксиһиититтэн (короткое замыкание) тахсыбыт.

Хаартыска: ЫБММ