Эр киһи автовокзалтан суумка уорбут

Дьокуускайдааҕы полиция дьуһуурунай чааһыгар эр киһи автовокзалга сылдьан тус маллардаах суумкатын уордарбытын туһунан иһитиннэрбит. Бу туһунан СӨ ИДьМ пресс-сулууспата суруйар. 

Хоромньу 32 тыһ.солк. тэҥнэспит. Холуобунай ирдэбил үлэһиттэрэ эрдэ сууттана сылдьыбыт Дьааҥы улууһуттан төрүттээх 53 саастаах киһи уорбаланарын быһаарбыттар.

Быһаарыллыбытынан, эмсэҕэлээччи суумкатын ыскамыайкаҕа ууран баран, ханна эрэ бара сылдьыбыт. Ол кэмҥэ уорбаланааччы кэлэн суумка турарын көрбүт. Ким да кинини көрбөтүгэр суумканы уоран ылбыт.

Уоруунан холуобунай дьыала тэрилиннэ.