Салгыы
«Аввакумов ааҕыыларыгар» кытын

«Аввакумов ааҕыыларыгар» кытын

31.03.2024, 18:45
Хаартыска: тэрийэр бөлөх
Бөлөххө киир:

Бөдөҥ суруйааччы, прозаик, литературнай кириитик, тылбаасчыт, уопсастыбаннай диэйэтэл Петр Денисович Аввакумов төрөөбүтэ 90 сылыгар аналлаах «АВВАКУМОВ ААҔЫЫЛАРА» өрөспүүбүлүкэтээҕи научнай-бырактыычаскай кэмпириэнсийэ ыытыллыаҕа.

Бырагыраамата:

Ыытыллар кэмэ: Муус устар 18 күнэ, 2024 сыл
Ыытыллар сирэ: Горнай улууһа, Октябрьскай нэһилиэгэ, С.Г. Ковров аатынан Күөрэлээх орто оскуолата

Ыытыллар бириэмэтэ:
9 ч. 00 мүн. – кыттааччылары регистрациялааһын;
9 ч. 30 мүн. – үөрүүлээхтик арыйыы;
10 ч. 00 мүн. — П.Д.Аввакумов мемориалыгар сибэкки ууруута;
10 ч. 30 мүн. – сиэксийэлэринэн үлэ;
13 ч. 00 мүн. – күнүскү аһылык;
14 ч. 00 мүн. — сиэксийэлэринэн үлэ;
16 ч .00 мүн. — «Киһи дьоло – бар дьон дьоло» ахтыы киэһэтэ, кыайыылаахтары наҕараадалааһын. (Октябрьскай нэһилиэгин сынньалаҥ киинэ)

«Аввакумов ааҕыыларын» балаһыанньата

Биир дойдулаахпыт, биллиилээх суруйааччы, публицист, литературнай кириитик, тылбаасчыт, Саха Өрөспүүбүлүкэтин култууратын үтүөлээх үлэһитэ П.Д.Аввакумов төрөөбүтэ 90 сылыгар ананар.

Тэрийээччилэр:
«Октябрьскай нэһилиэгэ» МТ, С.Г. Ковров аатынан Күөрэлээх орто оскуолата, улуустааҕы үөрэх управлениета, Горнайдааҕы кииннэммит бибилэтиэкэ ситимэ.

Сыала-соруга:
Бөдөҥ прозаик П.Д.Аввакумов аатын үйэтитии, айымньыларын киэҥ эйгэҕэ таһаарыы;
Биир дойдулаахпыт П.Д.Аввакумов дьоһун олоҕун, айар үлэтин, айымньыларын үөрэнээччилэр ааҕан билэллэригэр олук ууруу;
Үөрэнээччилэр төрөөбүт улуустарын, нэһилиэктэрин үтүө дьоннорун билэ, ытыктыы улааталларыгар интириэһи тардыы, көҕүлээһин;
Төрөөбүт дойдуга, уус-уран литератураҕа тапталы, ытыктабыллаах сыһыаны иҥэрии;
Үөрэнээччилэр айар, чинчийэр дьоҕурдарын сайыннарыы

Кыттааччылар:
1, 2, 3, 4, 5 сиэксийэлэргэ оскуола үөрэнээччилэрэ,
6 сиэксийэҕэ оскуола үөрэнээччилэрэ, ыччаттар, улахан дьон.

Секцияларынан үлэлэр:

1 сиэксийэ: «П.Д. Аввакумов – оҕо суруйааччыта»
П.Д. Аввакумов олоҕун, айар үлэтин, айымньыларын чинчийии (дакылааттар).
Оскуолаттан 5-8 кылаастан — 2 оҕо, 9-11 кылаастан — 2 оҕо
Ирдэбиллэрэ: Дакылаат кээмэйэ А4 форматынан 5-10 стр. Шрибэ — 14, икки арда — 1,5.
Тыл этии 5-7 мүн. уһаабат

2 сиэксийэ: «П.Д. Аввакумов – тылбаасчыт»
П.Д.Аввакумов оҕолорго айымньыларын (150 тыл иһинэн) нуучча тылынан тылбаастаан холонуу.
Оскуолаттан 5-8 кылаастан — 2 оҕо, 9-11 кылаастан — 2 оҕо
Тылбааска ирдэбиллэр:
кыттааччы суруйааччы биир айымньытын (хоһоон, эбэтэр кэпсээн) тылбаастыыр;
тылбааһы уонна айымньыны эрдэттэн кумаахыга  түһэрэн, бэйэтин араспаанньатын, аатын, сааһын, кылааһын, оскуолатын ыйан туран дьүүллүүр сүбэҕэ биэрэргэ бэлэмнээн аҕалар;
тылбаасчыт айымньыны тылбаастаабыт тылынан дорҕоонноохтук ааҕар (нойосуус ааҕара биһирэнэр);
тылбаасчыт айымньы ис хоһоонун арыйарга кыһаныахтаах;
тылбаасчыт дорҕоонноохтук ааҕарыгар интонацията, дикцията, ааҕарын тэтимэ сыаналанар.

3 сиэксийэ: «П.Д. Аввакумов айымньыларын дорҕоонноохтук ааҕыы»
П.Д. Аввакумов хоһооннорун биирдиилээн уонна бөлөҕүнэн дорҕоонноохтук ааҕыы. Оскуолаттан 2-8 кылаас оҕолоро кытталлар.
Кыттааччылар 4 бөлөххө арахсаллар:
биирдиилээн ааҕыы 2-4 кылаас үөрэнээччилэрэ;
бөлөҕүнэн ааҕыы 2-4 кылаас үөрэнээччилэрэ;
биирдиилээн ааҕыы 5-8 кылаас үөрэнээччилэрэ;
Бөлөҕүнэн ааҕыы 5-8 кылаас үөрэнээччилэрэ.
Дорҕоонноохтук ааҕыыга ирдэбиллэр:
айымньы ис хоһоонун, тиэмэтин сөпкө, толору арыйыы;
ааҕааччы интонацията, дикцията, ааҕыы тэтимэ

4 сиэксийэ: «П.Д. Аввакумов – литературнай кириитик»
П.Д.Аввакумов дьоҕус айымньыларыгар, кэпсээннэригэр рецензия суруйуу. Кыттааччы ахсаана хааччаҕа суох. Кыттыы кэтэхтэн.
Рецензия суруйааччыга ирдэбиллэр:
суруйааччы уус-уран айымньыларыттан биир көрүҥүн (сэһэн, кэпсээн уо.д.а.) талан ырытар;
айымньыны ырытарыгар сүрүн көрдөбүллэр: ааптар туһунан кылгас билиһиннэрии, айымньы ис хоһооно, сүрүн дьоруойдара (дьарыктара, майгылара, олоххо дьулуһуулара уо.д.а.);
айымньыттан тугу сөбүлээбитин, туохха үөрэниэн сөбүн суруйар уонна ааҕааччыга сүбэлиир

5 сиэксийэ: «П.Д.Аввакумов айымньылара оҕо хараҕынан»
П.Д.Аввакумов айымньыларынан уруһуй куоҥкуруһа. Кыттыы кэтэхтэн. Уруһуйдар А3 форматка, ханнык баҕарар тиэхиньикэнэн, паспартулаах оҥоһуллуохтаахтаахтар.
Кыттааччылар: уһуйааннар бэлэмнэнии бөлөҕүн оҕолоро, 1-4, 5-8, 9-11 кылаас үөрэнээччилэрэ. Кыттааччылар биир үлэлэрин маннык аадырыска ыыталлар.
678038 Горнай улууһа, Күөрэлээх нэһилиэгэ, Школьная уул. 3/1, С.Г.Ковров аатынан Күөрэлээх орто оскуолата

Уруһуйга ирдэбиллэр:
П.Д.Аввакумов суруйууларын тиэмэтин арыйыы;
уруһуй тиэхиньикэтин хаачыстыбатын таба туттуу;
өҥү сөпкө туһаныы;
толорооччу тус бэйэтин маастарыстыбата.

6 сиэксийэ: П.Д.Аввакумов сатирическай айымньыларын толорууга «Тоҥсоҕой» күрэҕэ
Тэрийээччилэр: П.Д.Аввакумов аатынан Киин бибилэтиэкэ
Сыала-соруга:
Прозаик-суруйааччы П.Д. Аввакумов үлэлээн ааспыт олоҕор айан-тутан, суруйан хаалларбыт айымньыларын киэҥ ааҕааччыга таһаарыы, дьоҥҥо-сэргэҕэ уус-уран ааҕыы ньыматынан тиэрдии, тарҕатыы
Усулуобуйата: Айымньыны биирдиилээн эбэтэр бөлөҕүнэн 1-дии нүөмэри толоруунан кытталлар
Кыттааччылар саастарынан арахсаллар:
— орто сүһүөх (5-8 кыл.үөрэнээччилэрэ),
— улахан сүһүөх (9-11 кыл.үөрэнээччилэрэ)
— Ыччаттар уонна улахан дьон (18 саастарыттан үөһээ)
Наҕараадалааһын:
биирдиилээн толорууга (5-8, 9-11, улахан дьон) I, II, III истиэпэннээх лауреаттар;
бөлөхтөрүнэн толорууга (5-8, 9-11, улахан дьон) I, II, III истиэпэннээх лауреаттар;
Күрэх муҥутуур кыайыылааҕар Гран-при олохтонор
Күрэххэ кыттыы иһин усунуос:
Биирдиилээн толорууга – 100 солк.
Бөлөҕүнэн кытааччылар — биирдии киһититтэн 50 солк.
Сайаапкаларгытын berlib@list.ru электроннай аадырыска ыытаҕыт
Билсэр нүөмэргит: 89142263559 Саввинова Лена Григорьевна
89245696135 Михайлова Саргылана Алексеевна
Суруйааччы сатирическай айымньыларын бу ссылканан киирэн көрүҥ
https://berdlib.saha.muzkult.ru/media/2024/03/29/1326719861/Toҥsoҕoj_2.pdf

Наҕараадалааһын:
Хас биирдии кыттааччыга Туоһу сурук туттарыллар. Сиэксийэлэр кыайыылаахтара I II III истиэпэннээх  дипломнарынан, өйдөбүнньүк бэлэхтэринэн наҕараадаланаллар.

Сайаапкалары муус устар 16 күнүгэр диэри маннык аадырыска ыытаҕыт:
Горнай улууһа, Октябрьскай нэһилиэгэ, Школьная уул. 3/1, С.Г.Ковров аатынан Күөрэлээх орто оскуолата
Электроннай почта: kerschool@yandex.ru
Хас биирдии кыттааччыттан 1, 2, 3, 4, 5 сиэксийэлэргэ усунуос 200 солк.
Кэтэхтэн кыттааччыларга мобильнай баан (сбербанк) сыһыарыллыбыт нүөмэрэ:
Билсэр нүөмэргит: 89618686428 Аввакумова Людмила Ефремовна, 
89142284616 Тимофеева Кыыдаана Ионовна
Кэлиини-барыыны кыттааччы бэйэтэ уйунар

Тэрийэр хамыыһыйа

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 апреля
  • 5°C
  • Ощущается: 2°Влажность: 42% Скорость ветра: 4 м/с

Сообщить об опечатке

Текст, который будет отправлен нашим редакторам: