AY YOLA бөлөх Саха сиригэр килиип устуоҕа

Ил Дархан Айсен Николаев аатырбыт AY YOLA бөлөҕү кытта көрүстэ. Башкирия мусукааннара Саха сиригэр ыытыллар «Создано на Дальнем Востоке» норуоттар икки ардыларынааҕы креативнай индустриялар пуорумнарыгар ыҥырыллан кэллилэр. 

«Бу нэдиэлэҕэ пуорум саҕаланар. Онно анаан биһиги өрөспүүбүлүкэбитигэр AY YOLA башкирскай фолк-бөлөх ыҥырыллан кэллэ», — диэн Ил Дархан телеграм-ханаалыгар суруйда.

Мусукааннар бэйэлэрин, айар үлэлэрин, былааннарын туһунан кэпсээтилэр. Пуорум иитинэн кэнсиэрдиэхтэрэ, дискуссияларга кыттыахтара.

Итиэннэ аатырбыт бөлөх Саха сиригэр саҥа килииптэрин устуоҕа.