«AY YOLA» бөлөх Саха сиригэр уһуллубут саҥа килииби сүрэхтээтэ

«AY YOLA» башкирдар бөлөхтөрө Саха сирин кэрэ миэстэлэринэн уһуллубут «Yola» диэн ырыа килиибин сүрэхтээтэ.

Бу килиипкэ Үс Хатыҥ сэргэлэрэ, Тукулаан кумаҕа, Булуус мууһа, Өлүөнэ очуостара уонна «Уус Буотама» бизонарийын курдук сирдэрэ көстөллөр.

Килииби ыам ыйын бүтүүтэ «Уһук Илиҥҥэ тэриллибит» иккис креативнай индустрия норуоттар икки ардыларынааҕы пуорум кэмигэр устубуттара. Ити кэмҥэ бөлөх пуорум чэрчитинэн кэнсиэргэ кыттыбыта уонна этническэй култуураны сайыннарыыга уопутун кытта үллэстибитэ.

Бу иннинэ «Homay» диэн килиип Башкирияҕа туристар сылдьалларын көрдөрүүтүн үрдэппитэ биллэр, онон Саха сиригэр эмиэ туристар сырыылара элбиэҕэ диэн эрэнэллэр.