Азбука бырайыагар төрөппүттэр бары кыттыахтарын сөп

Саха сирин олохтоохторун «Азбука о важном» диэн саҥа кинигэ бырайыагар кыттыыны ыларга ыҥыраллар.

«Социальнай инициативалары сайыннарыы пуондата» НКО оҕолорго анаан таһаарар кинигэтин иһинээҕитин толорууга, төрөппүттэри кытыннарарар былааннаах. Саха сирин норуоттарын Ассамблеятын бэрэссэдээтэлэ Александр Подголов ыҥырыытыгар бу курдук суруйбут:

“Күндү доҕоттор! Бу бырайыак түмүгэр оҕолорбутугар, сиэннэрбитигэр анаммыт дьэрэкээн, интерактивнай кинигэ оҥоһуллан тахсыаҕа. Манна ким баҕарар бэйэтэ суолталаах дии саныыр тылын суруйан, суолтатын быһааран биэриэн сөп. Тылы быһаарар олус судургу сорук курдук эрээри, хас биирдиибит туспа көрүүлээх, өйдөбүллээх. Үлэтэ киирбит ааптар кинигэни бэлэх тутуоҕа. Көхтөөхтүк кыттыҥ, бары билиибитин үллэстиэҕиҥ”.

Азбука «Разговоры о важном для взрослых» уокуруктааҕы II үөрэтэр сэминээри салгыыр бырайыак буолар.

Манна кыттыыны ылыан баҕалаахтар тылы уонна быһаарыыларын 2023 сыл ыам ыйын 10 күнүгэр диэри ыытыахтарын сөп. Усулуобуйаны https://azbuka2023.ru/#rec573648621 киирэн көрүҥ.