Хаартыска: ЯСИА
20 саастарыгар диэри тустууктарга аан дойду бастыыр иһин күрэхтэһиитин боруонса призера, 23 саастарыгар диэри Европа чөмпүйэнээтигэр үрүҥ көмүс мэтээл хаһаайына Али Цокаев Дьокуускайга Дмитрий Коркин аатынан норуоттар икки ардыларынааҕы турнирга кыттарга бэлэмнэнэр.
Бу туһунан Өрөспүүбүлүкэтээҕи сүүмэрдэммит хамаандалары успуорка бэлэмниир кииҥҥэ иһитиннэрдилэр.
22 саастаах күрэсчит Азербайджан сүүмэрдэммит хамаандатын аатыттан кыттара бигэргэннэ. Бу тустуук 2023 сыллаахха Коркин турнирыгар кэлэн тустубута. Кини оччолорго боруонса мэтээл иһин киирсиигэ тиийбитэ эрээри, эчэйии ылан, мэтээлгэ тиксибэккэ хаалбыта.
Онон Али Цокаевка Саха сирин тустууга сүрүн турнирыгар бэйэтин көрдөрөр саҥа кыах үөскээтэ. Бу иннинэ иһитиннэриллибитин курдук, Азербайджан хамаандатын састаабыгар Джабраил Гаджиев уонна Рашид Бабазаде эмиэ тустуохтара. Дмитрий Коркин кэриэһигэр аналлаах норуоттар икки ардыларынааҕы күрэхтэһии сэтинньи 15-16 күннэригэр «Триумф» успуорт комплексыгар ыытыллыаҕа.
Саха сирин дуобатчыттара Турцияҕа буолбут аан дойду чөмпүйэнээтигэр ситиһиилээхтик кытыннылар. Улахан ситиһии Арассыыйа сүүмэрдэммит хамаандатын…
Бу сыл ахсынньытыгар, сэтинньигэ биэнсийэлэрэ үрдүүр быраабы ылбыт Арассыыйа гражданнарыгар төлөбүрдэрин саҥаттан хос ааҕыахтара (перерасчет).…
Сэтинньи 10 күнүгэр Дьокуускайга «Хотугу сиргэ экология уонна киһи доруобуйата» диэн норуоттар икки ардыларынааҕы кыттыылаах…
Атырдьах ыйыгар Депутатскай бөһүөлэк олохтооҕо итирик сылдьан, ким да көрбөтүнэн туһанан, хатамматах ааннаах соҕотох олорор…
Үөһээ Бүлүү улууһугар Бүлүү өрүс мууһа туран, «Үөһээ Бүлүү – Хоро» хайысханан кыһыҥҥы суол үлэҕэ…
СӨ Борокуратуурата икки эр киһи холуобунай дьыалатыгар буруйдуур түмүгүн таһаарда. Кинилэр РФ ХК 210 ыст.…