«Азия» атыы-эргиэн киинигэр баһаар буолла

Бүгүн, кулун тутар 22 күнүгэр, «Азия» атыы-эргиэн киинигэр баһаар буолбутун туһунан иһитиннэрии таҕыста.

Ол курдук, тута атыы-эргиэн кииниттэн 37 киһини уонна 17 оҕону эвакуациялаатылар. Баһаар түмүгэр 10 кв.миэтэрэ иэннээх вытяжка эмсэҕэлээбит.

Биһиги тута «Азия» атыы-эргиэн кииҥҥэ сибээскэ таҕыстыбыт.  Миигин кытта «Азия» атыы-эргиэн киинин администратора Ася Петрова кэпсэттэ:

-Буруо төрдүс этээскэ баар фуд-корт вытяжкатыттан тахсыбыта. Баһаарынайдар кэлэн бэрт түргэнник барытын умулларбыттара. Билигин эрэсиим быһыытынан үлэлии турабыт.