«Азия оҕолоро-2023» оонньуулар уоттара тохсунньу 21 күнүгэр умайыаҕа

Норуоттар икки ардыларынааҕы «Азия оҕолоро» кыһыҥҥы спортивнай оонньуулар 2023 сылга Кузбасска ыытыллыахтара. Дирекция үлэһиттэрэ бу күннэргэ Дьокуускайга үлэлииллэр.

«Азия оҕолоро-2023» уоттара тохсунньу 21 күнүгэр «Өлүөнэ очуостара» национальнай пааркаҕа үөрүүлээх быһыыга-майгыга умайан, эстафетанан айаннаан Кузбасска тиийиэҕэ. Эстафетаны уоту араҥаччылааччылар арыаллыахтара.

Иккис төгүлүн ыытыллар норуоттар икки ардыларынааҕы оонньуулар олунньу 23 күнүттэн кулун тутар 5 күнүгэр диэри Кемеровскай уобалас Кузбасс куоратыгар ыытыллыахтара.

Манна даҕатан суруйдахха, «Азия оҕолоро» оонньуулар бастакы уота 1996 сыллаахха Олимпийскай Атлантаттан кэлэн, «Туймаада» стадиоҥҥа умайбыта.