Хаартыскаҕа Андрей Сорокин түһэриитэ, СИА
Бастакы хамаанда спортсмена Айсен Неустроев Казахстан боксерун Темирхан Жолмаханы кытта 52 кг диэри ыйааһыннаахтарга киирсэн, кыайыыны ситистэ.
Күрэхтэһии «Дохсун» успуорт комплексыгар буолла. Күрэскэ Урал, Сибиир ФУо., Москва, Азербайджан, Афганистан, Таджикистан, Туркменистан, Кыргызстан, Узбекистан, Казахстан, Корея, Сирия уонна Саха сирин спортсменнара күөн көрүстүлэр.
«Буокса — биир саамай уустук уонна киһи таттаран көрөр көрүҥэ. Ыччат болҕомтотун тардан эрэр. Тыҥааһыннаах киирсии буолла. Биһиги спортсмеммыт тулуурдааҕын, дьулуурдааҕын уонна үчүгэй бэлэмнээҕин көрдөрөн кыһыл көмүс мэтээли ылары ситистэ! Айсены чаҕылхай кыайыытынан уонна хамаанданы барытын турнирга ситиһиилээхтик кыттыбыттарынан эҥэрдэлиибит! Эдэр спортсменнарга чиэһинэй уонна кыраһыабай киирсиилэрин иһин махтанабыт! Эһиги ситиһиилэргит саҥа кыайыыларга тирэх буола турдунар«, — диэтэ Ил Дархан.
Айсен Неустроев — Уус Алдаҥҥа буокса оскуолатыгар дьарыктанар. Саха сиригэр уонна Уһук Илиҥҥэ 2024 сылга бастыыр иһин күрэхтэһии кыайыылааҕа, Казахстаҥҥа 2023 сыллаахха буолбут Серик Конакбаев бирииһигэр норуоттар икки ардыларынааҕы турнир кыайыылааҕа.
«Бастакы рауҥҥа турукка кыайан киирбэтэҕим. Бастакы раунд кэнниттэн тириэньэр сүбэтин истэммин кыайдым. Үөрдүм, сыал-сорук толорулунна. Кыайар туһугар туох баар сырабын уурдум«, — диир Айсен Неустроев.
«Олус үчүгэй, тыҥааһыннаах киирсии буолла. Бастакы рауҥҥа Казахстан спортсмена кыайбыта, иккискэ — иккиэн тэҥ-тэҥигэр буолбуттара, үһүскэ — биһиги боксербут ыраас кыайыыны ситистэ. Айсены, эҕэрдэлиибин. Биһиги сүүмэрдэммит хамаандабытыгар кыһыл көмүһү аҕалла! «, — диэн Олимпийскай оонньуулар боруонса призердара Георгий Балакшин санаатын үллэһиннэ.
Күрэхтэһии иитинэн, Ил Дархан Айсен Николаев уонна РФ буоксаҕа федерациятын толоруулаах кэмитиэтин чилиэнэ, генеральнай сэкирэтээр Татьяна Кириенко успуорт бу көрүҥэ өрөспүүбүлүкэҕэ сайдыытын туһунан дьүүллэстилэр.
Татьяна Кириенко «Азия оҕолоро» үрдүк таһымнааҕын уонна күрэхтэһии кыттыылаахтара үчүгэй бэлэмнээхтэрин бэлиэтээтэ. Уһук Илиҥҥэ буокса сайдыытын, Саха сирэ успуорт бу көрүҥэр ураты миэстэни ыларын эттэ. Федерация тыа сирин тириэньэрдэрин өйүүргэ үлэтэ саҕаламмытын иһитиннэрдэ.
Айсен Николаев өрөспүүбүлүкэҕэ уонна Уһук Илиҥҥэ успуорт бу көрүҥэ сайдарыгар эрэнэрин биллэрдэ.
«Азия оҕолоро» спортивнай оонньуулар бэс ыйын 26 — от ыйын 7 күннэригэр ыытыллаллар.
Сиһилии https://www.sakha.gov.ru/news/front/view/id/3407172 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
«Тымныы полюһугар Өймөкөөҥҥө айан» кыһыҥҥы туризм бэстибээлэ Өймөкөөн улууһугар да, өрөспүүбүлүкэҕэ да туризмы сайыннарыы стратегическай…
Халтарааҥҥа уулуссаҕа сатыы да, массыыналаах да киһиэхэ улахан мэһэйдэр үөскүүллэр. «Хайдах эрэ гынан охтубатах киһи»…
2025 сылтан Арассыыйаҕа элбэх кыбартыыралаах дьиэлэргэ сылытар радиатордары уларытыыны бэрээдэктиир саҥа нуорма олоххо киирдэ. РФ…
2026 сылга Олоҥхо ыһыаҕа Кэбээйи улууһун Кэбээйи сэлиэнньэтигэр Уһун Хонуу ытык сиргэ ыытыллыаҕа. Бу суолталаах…
Сергей Местников "Противоэпизоотическай хамыыһыйа" мунньаҕын салайан ыытта. Манна бэтэринээрийэ өттүттэн куттала суох буолуу боппуруостарын көрдүлэр.…
Госдуумаҕа Билим уонна үрдүк үөрэхтээһин кэмитиэтэ сокуон барылынан көннөрүү ылынна. Ол курдук, чааһынай тэрилтэлэргэ эбии…