“Азия оҕолоро”: Алина Волошина буокса финалын кэтэһэр

“Азия оҕолоро” спортивнай оонньууларга  буокса күрэхтэһиитигэр кыттар Алина Волошинаны кытта кылгастык  кэпсэттибит.

— Үтүө күнүнэн, Алина! Дьокуускай куораты төһө сөбүлээтиҥ?
— Үтүө күнүнэн! Дьокуускай үчүгэй, ол эрээри мин улаханнык кэрийбэтим.
— Ханнык успуорка кыттаҕын? Тириэньэриҥ кимий?
— Мин буоксаҕа кыттабын. Тириэньэрим аата Максим Трофимов.
— «Азия оҕолоро» оонньуулар эн санааҕар хайдах ааһан эрэллэрий?
— Үчүгэйдик ааһа турар, холобур, иллэрээ күннээҕитэ кыайбыппыт. Биһиги от ыйын 5 күнүгэр финалбыт буолар.
— Кыратык күннээҕи эрэсиимҥин кэпсиигин дуо?
— Күрэхтэһиигэ бэлэмнэнэр буоллахпына, субуотаттан, өрөбүлтэн ураты күн аайы иккитэ эрчиллэбин.
— Успуорка  туох сыал-сорук туруорунан сылдьаҕын?
— Спортсмен быһыытынан сайдыахпын, элбэх ситиһиилэниэхпин   уонна аан дойду күрэхтэһиитигэр ситиһиилээхтик кыттыахпын баҕарабын.
— Атын күрэхтэһиилэргин кыратык кэпсиигин дуо?

— Урут успуорт атын көрүҥүнэн дьарыктаммытым. Холобур, мин 5 сыл каратэнан дьарыктаммытым, онтон буоксанан 2 сылбын дьарыктана сылдьабын.
— Спортсмен киһиэхэ ханнык хаачыстыба нааданый?
— Дьиссипилиинэ, бэйэҕэ кытаанах буолуу олус наадалаах. Онто суох успуордунан дьарыктанар олус ыарахан буолуо.
— Саҥа кэлбит спортсменнарга ханнык сүбэни биэриэххин сөбүй?
— Хайаан да сыал-сорук туруорунан, киниэхэ дьулуһуохха наада.

Сайыына Колодезникова