Хаартыскаҕа Дьулустаан Сергеев түһэриитэ, СИА
Хапсаҕайга Саха сирин сүүмэрдэммит хамаандата алта мэтээллээх. Итинтэн иккитэ — кыһыл көмүс.
Хапсаҕай күрэһэ «Триумф» успуорт уораҕайыгар буолла. 2016 сыллаахха «Азия оҕолоругар» Саха сирин сүүмэрдэммит хамаандата күрэхтэһэн биир кыһыл көмүһү ылбыт буоллаҕына, бу сырыыга төһө да күүстээх утарылаһааччылар баалларын үрдүнэн, икки үрдүк наҕараадаҕа тигистэ. Бу туһунан СИА суруллар.
Күрэхтэһиигэ 11 хамаандаттан 50 кыттааччы баар.
Оонньууга кыайыылаахтар ааттарын Саха сириттэн Сандал Алексеев (50 кг) уонна Олег Кононов (55 кг) ыллылар. Хапсаҕайга үчүгэй үөрүйэхтээхтэрин Тыва спортсменнара Сухбат Монгуш (45 кг) уонна Экер Донгак (свыше 62 кг) көрдөрдүлэр. Кинилэр икки кыһыл көмүс мэтээли ыллылар.
50 кг диэри Илдьар Птицын Саха сирин иккис сүүмэрдэммит хамаандатыгар боруонсаны аҕалла. Саха сирин сүүмэрдэммит хамаандатын хапсаҕайдьыта Эйнар Максимов (62 кг) үрүҥ көмүс призер буолла.
55 кг. диэри ыйааһыннаахтарга финалист Данил Сивцев (Саха сирэ) күрэхтэһиигэ Уһук Илин хамаандатыттан кытынна. Кини биир дойдулааҕын Олег Кононов кэнниттэн иккис буолла.
Санатан эттэххэ, «Азия оҕолоро» Дьокуускайга от ыйын 7 күнүгэр диэри ыытыллаллар.
Өлүөхүмэ улууһун Кыыллаах нэһилиэгин олохтоохторун күүһүнэн уһуллубут «Тулаайах кыыс» киинэ көрөөччү дьүүлүгэр таҕыста. Уус-уран киинэ…
2026 сыл саҕаланыаҕыттан Арассыыйаҕа дьиэ кэргэҥҥэ аналлаах нолуоктан төлөбүр баар буолуоҕа. Бу туһунан сенатор Игорь…
Бүгүн, Норуот сомоҕолоһуутун күнүгэр, Арассыыйа Бэрэсидьиэнэ Владимир Путин дойдубут култуурунай нэһилиэстибэтин харыстыырга уонна элбэх омук…
Бүгүн, сэтинньи 4 күнүгэр, Дьокуускайга «Арассыыйа – мин устуоруйам» историческай паарка аттыгар байыаннай дьайыы зонатыттан…
Бүгүн – Норуот сомоҕолоһуутун күнэ. Оттон Арассыыйаҕа бырааһынньык диэн өрүү баай астаах остуолу кытта ситимнээх.…
Москваҕа Арбатскай-Покровскай лииньийэҕэ «Уһук Илин экспреһэ» диэн пуойас сүүрэн саҕалаата. Бу пуойас Норуот сомоҕолоһуутун күнүгэр…