Тускуйана Игнатьева хаартыската
Греко-римскэй тустууга Европа чөмпүйүөнэ Вазген Мнацаканян «Азия оҕолоро» норуоттар икки ардыларынааҕы спортивнай оонньууларга кыттыыны ыла сылдьар. Онон, ыраах Арменияттан кэлэ сылдьар спортсмены кытары көрсөн кэпсэттибит.
-Үтүө күнүнэн, Вазген! Дьокуускай куораты сөбүлээтиҥ дуо?
-Куорат үчүгэй, кыраһыабай көстүүлээх. Билиҥҥи туругунан бу диэн үчүгэйдик кэрийэ иликпит. Бириэмэ өссө баар, онон хайаан даҕаны көрүөхпүт.
-Успуорт ханнык көрүҥэр кыттаҕын? Чопчу бу көрүҥү тоҕо талбыккыный?
-Греко-римскэй тустууга кыттабын. Успуорт бу көрүҥүн тоҕо талбыппын бу диэн этэр кыаҕым суох. Аһаҕастык эттэххэ, аан маҥнайгы күрэхтэһиибэр барарбар Европа чөмпүйүөнэ буолуом диэн санаабар да оҕустарбат этим.
-Дьарыктаммытыҥ төһө өр буолла? Тириэньэриҥ туһунан кыратык сырдатарыҥ буоллар.
-6 сыл буолла. Тириэньэрим Алексан Оганесян диэн. Үчүгэйдик эрчийэр, кинини олуһун убаастыыбын.
-Дьарык күнэ хайдах ааһар?
-7 чааска турабын уонна 8:30 эрчиллэ барабын. Оттон оскуолабар үөрэнэ сүүрэбин, киэһэ 7 чааска иккис дьарыгым буолар, оттон утуйар чааһым тигинээн кэлэр.
-Успуордунан дьарыктанар кэмҥэр туох ыарахаттары көрүстүҥ?
-Мин санаабар, ханнык баҕарар успуорт көрүҥэ син биир ыарахаттардаах буолар.
-Спортсмен хайдах буолуохтааҕый!
-Кытаанах характердаах. Күүстээх санаалаах эрэ дьон тулуйаллар.
—Бэйэҥ иннигэр туох сыал-сорук туруорунан сылдьаҕын?
-Мин Олимпийскай чөмпүйүөн буоларга талаһабын, баҕа санаам диэн ол.
-Успуордунан саҥа дьарыктанан эрэр эдэр дьоҥҥо тугу сүбэлиэҥ этэ?
-Хаһан баҕарар бэйэлэрин кыахтарыгар эрэнэр, итэҕэйэр буоллуннар.
-«Азия оҕолоро» оонньууларга бастакы миэстэни ыллаххына кыайыыгын кимиэхэ аныыгын?
-Ийэлээх аҕабар аныам этэ.
-Ыйытыктарбытыгар хоруйдаабыккар улахан махтал, күрэххэр ситиһиини!
-Улахан махтал!
Тускуйана Игнатьева
Дьокуускайга «Абырал» санаторий баазатыгар байыаннай сулууспаҕа хантараагынан сулууспалыан баҕалаахтары Биир кэлим сүүмэрдиир пууҥҥа күүтэллэр. Хантараагынан…
"Азия оҕолоро" оонньууларын боксаҕа күрэхтэһиитигэр бүгүн Саха сирин туһатыгар икки боруонса мэтээл кэллэ. Кыргыттарга Саяна…
"Триумф" успуорт уораҕайыгар кулгаахтарынан мөлтөхтүк истэр спортсменнар туһуннулар. Сүмэрдэммит хамаанда тустууктара кыһыл, үрүҥ көмүс уонна…
Ил Дархан Айсен Николаев “Россия 24” телеханаал быһа эпииригэр ойуур баһаардарын умулларыыга ыытыллар үлэлэр тустарынан…
Өрөспүүбүлүкэ Ил Дархана умайа турар ойуур баһаарын иэнэ быһа холуйан 350 тыһ га диэн “Россия24”…
Өлүөнэ өрүс күнүгэр "Водоканал" хампаанньа үлэһиттэрэ өрүс кытылын хомуйдулар. Маннык аахсыйаны кинилэр сыл аайы ыыталлар.…