«Азия оҕолоро» VIII норуоттар икки ардыларынааҕы оонньууларга Иркутскайтан кэлэ сылдьар Анастасия Рыбкина буоксаҕа кытта сылдьарын туһунан кэпсээтэ.
-Үтүө күнүнэн! Эн ханнык успуорт көрүҥэр кытта кэллин?
-Мин буоксаҕа кытта сылдьабын Сибиирскэй федеральнай уокурук хамаандатыгар баарбын, билиҥҥи туругунан түмүктүүр киирсиигэ ааспытым.
-Бачча нарын-намчы кыыс буолан баран, хайдах буокса көрүҥүн таларга санаммыккыный?
-Аһаҕастык эттэххэ, мин бастаан бу көрүҥү талбатаҕым, аҕам сиэксийэҕэ биэрбитэ, онтон кэлин бэйэм эмиэ интэриэһиргээбитим, сөбүлээбитим.
-Тугун сөбүлээн буоксанан салҕыы дьарыктанарга сананныҥ?
— Кыайыы туһугар туох баар кыаххын-уоххун ууран туран киирсэр интэриэһинэй, умсугутуулаах.
-Дьарыктаммытыҥ хас сыл буолла? Тириэньэриҥ кимий?
-3,5 сыл курдук буолла. Тириэньэрим Александр Валерьевич Матафонов буолар.
-Буоксаҕа кыттааччылар хаскытый? Хайдах баран иһэҕит?
-Уопсайа 7 буолан кэлбиппит. Икки киһи туораата, салҕыы күрэххэ кыттааччылар бэһиэ буолан хааллыбыт.
-Дьокуускай куораты төһө сэргээтиҥ?
-Куораты сөбүлээтим, көрсүө-сэмэй майгылаах дьонноох. Аан маҥнай кэлэн баран хайдах эрэ ураты баҕайы куорат курдуга, урукку бэйэтин устуоруйатын кытта сибээстээҕэ көстөр. Уопсайынан, сөбүлээтим.
-«Азия оҕолоро» оонньуулары тэрийии боппуруоһа хайдаҕый?
-Оонньуулары тэрийии чааһа олус үрдүк таһымҥа ыытыллыбыт. Ону таһынан, хас киэһэ аайы спортсменнар дэриэбинэлэригэр араас кэнсиэрдэри, тэрээһиннэри ыыталлар, ол барыта оҕолору аралдьытар баҕаттан оҥоһуллар буоллаҕа дии. Хайдах эрэ лааҕырга сылдьар курдук сананным, наһаа үчүгэй.
-Улахан махтал! Ситиһиини баҕарабын!
-Махтал!
Санатан эттэххэ, буоксаҕа түмүктүүр киирсии от ыйын 5 күнүгэр «Дохсун» успуорт комплексыгар ыытыллыахтаах. Спортсменнарга үчүгэй күрэҕи баҕарыаххайыҥ!
Тускуйана Игнатьева
Дьокуускайга Ленин аатынан болуоссакка музыкальнай фонтаны холбоон бэрэбиэркэни ыыттылар. СИА кэрэспэдьиэнэ миэстэтиттэн ураты көстүүнү видеоҕа…
Алтынньы 4 күнүгэр сарсыарда эрдэ ГАИ сулууспатыгар киин куорат Сэргэлээхтиир шоссе 11 км суол быһылаана…
Томпо улууһун Байаҕантай нэһилиэгэр бүгүн олохтоох көҕүлээһиннэри өйүүр бырагырааманан уонна нэһилиэнньэ көмөтүнэн тутуллубут Учуутал искибиэрин…
Дьокуускай куорат полициятын отделыгар икки тутуу хампаанньатын бэрэстэбиитэллэриттэн тутуу былаһааккатыттан уоруу тахсыбытын туһунан сайабылыанньалар киирбиттэр.…
Ил Дархан Айсен Николаев Горнай улууһугар Элбэх функциялаах сынньалаҥ киин тутуутун хаамыытын бэрэбиэркэлээтэ уонна сыл…
Саха сиригэр быйыл кыһын нуорматтан үрдүк салгын температурата турара күүтүллэр. Саха сиринээҕи Гидрометкиин сулууспатыгар кыһыҥҥы…