Сайыына Колодезникова хаартыската
«Азия оҕолоро» спортивнай оонньууларга Саха сириттэн буоксаҕа кыттар Дмитрий Миллеры көрсөн кэпсэттибит.
— Дмитрий, хаһыска кылааска үөрэнэҕин? Хантан сылдьаҕын?
— Мин 9 “в” кылааска үөрэнэбин, 15 саастаахпын. Дьокуускайтан сылдьабын.
— Ханнык успуорт көрүҥэр кыттаҕын? Уонна тоҕо бу көрүҥү таллын?
— Буоксаҕа кыттабын, успуорт араас секцияларыгар боруобаланан баран, бу көрүҥү барылартан быдан сөбүлээтим.
— Ханнык ыйааһыҥҥа кыттаҕын?
— 80 киилэҕэ диэри.
— Буоксанан хаһааҥҥыттан уонна ханнык тириэньэргэ дьарыктанаҕын?
— 3 сыл дьарыктанным. Билиҥҥи тириэньэрим Алексей Сергеевич буолар. Кини үтүө майгылаах киһи, миигин мэлдьи өйүүр. Бастакы тириэньэрим Варламов Михаил Леонидович, кинини эмиэ олус убаастыыбын. Михаил Леонидович билиҥҥигэ диэри күрэхтэргэ кыттыыны ылар.
— Эрчиллэр күннэриҥ хайдах ааһалларый?
— Араастык, эбэтэр спарринг буолар, эбэтэр эрчиллии күнэ буолар, онно снарядтарынан үлэлиибит, сүүрэбит.
— Успуорка ханнык ыарахаттары, мэһэйдэри көрүстүҥ?
— Күрэхтэһии кэмигэр улаханнык долгуйуу, уолуйуу киирээччи. Кэлин улаханнык долгуйбат буоллум.
— Спортсмеҥҥа саамай наадалаах хаачыстыбата туох дии саныыгын?
— Харса суох буолуохтаах, утарсааччыларыттан толлуо суохтаах уонна бэйэтигэр куруук эрэллээх буолуохтаах.
— Кими холобур оҥостоҕун?
— Райан Гарсия уонна Исаак Крус диэн боксердарга сүгүрүйэбин.
— Билиҥҥи сыалыҥ-соругуҥ?
— Мин успуорт маастарын нуорматын толоруохпун баҕарабын уонна билигин КМС ылыахпын баҕарабын.
— Эдэр спортсменнарга ханнык сүбэлэри биэриэххин сөбүй?
— Хаһан даҕаны толлубатыннар уонна сүрэҕэлдьээбэккэ дьарыктаннынар.
— «Азия оҕолоругар» бастакы миэстэ буоллаххына кыайыыгын кимиэхэ аныаҥ этэ?
— Бэйэм кыайыыбын дьиэ кэргэммэр уонна тириэньэрдэрбэр аныам этэ.
Сайыына Колодезникова
"Триумф" успуорт уораҕайыгар кулгаахтарынан мөлтөхтүк истэр спортсменнар туһуннулар. Сүмэрдэммит хамаанда тустууктара кыһыл, үрүҥ көмүс уонна…
Ил Дархан Айсен Николаев “Россия 24” телеханаал быһа эпииригэр ойуур баһаардарын умулларыыга ыытыллар үлэлэр тустарынан…
Өрөспүүбүлүкэ Ил Дархана умайа турар ойуур баһаарын иэнэ быһа холуйан 350 тыһ га диэн “Россия24”…
Өлүөнэ өрүс күнүгэр "Водоканал" хампаанньа үлэһиттэрэ өрүс кытылын хомуйдулар. Маннык аахсыйаны кинилэр сыл аайы ыыталлар.…
Саха сиригэр кэлиҥҥи үс күҥҥэ, ойууру баһаартан харыстыыр үлэһиттэр күүстэринэн ойуур баһаара балачча аччатылынна. Ол…
“Россия 24” телеханаал быһа эпииригэр Ил Дархан Саха сиригэр баар ойуур баһаарын 95 %-на айылҕа…