«Азия оҕолоро»: хайыһардьыт Николай Копырин «Доҕордоһуу эстафетатыгар» бастаата

Кемеровскай уобаласка буола турар норуоттар икки ардыларынааҕы «Азия оҕолоро» кыһыҥҥы иккис оонньууларга хайыһарга «Доҕордоһуу эстафетата» ыытылынна. Бу сүүрүүгэ Саха сирин хайыһардьыт уолаттара ситиһиилээхтик кытыннылар.

Ол курдук, «Ёлочка» хамаанда састаабыгар киирэн  Саха сирин сүүмэрдэммит хамаандатын чилиэнэ Павел Сергеев үһүс миэстэни ылары ситистэ. Оттон «Снежинка» хамаандаттан Егор Габышев аатынан Бороҕоннооҕу оҕо спортивнай оскуолатын иитиллээччитэ, онус кылаас үөрэнээччитэ, Тулуна хайыһардьыта Николай Копырин хамаандата бастакы миэстэни ылла. Николайы аҕата Станислав Копырин эрчийэр, кини улууска хайыһарга соҕотох тириэньэринэн буолар.

Онон, «Азия оҕолоругар» хайыһардьыттарбыт үрдүк бэлэмнээхтэрин көрдөрдүлэр. Ааспыт күннэргэ Алданнааҕы спортивнай оскуола иитиллээччилэрэ үс мэтээли аҕалбыттара, аны бүгүн Павел Сергеев уонна Николай Копырин «Доҕордоһуу эстафетатыгар» ситиһиилэннилэр.

Хаартыскалар: социальнай ситимнэртэн.