«Азия оҕолоро»: Иккис күн түмүгүнэн бастакы мэтээллэр туттарылыннылар

Бэҕэһээ «Азия оҕолоро» оонньуулар иккис күннэрин түмүгүнэн Комсомольскай болуоссакка самбо уонна тхэквондо көрүҥнэригэр кыайыылаахтарга бастакы мэтээллэри туттарыы түгэнэ буолан ааста.

Кыайыылаахтарга уонна призердарга наҕараадалары «Азия оҕолоро» норуоттар икки ардыларынааҕы оонньуу генеральнай директора Гаврил Цыпандин уонна инновация, цифровой сайдыы уонна инфокоммуникационнай технологиялар сайдыыларын миниистирэ Василий Ефимов туттардылар.
Кыайыылаахтары уонна призердары ыйааһыннарынан араартаан бөлөҕүнэн таһаартаан мэтээллэри кэтэттилэр уонна «Азия оҕолоро» норуоттар икки ардыларынааҕы оонньуу талисманын хас биирдиилэригэр туттардылар. Кыһыл көмүс мэтээл хаһаайынын чиэһигэр дойдутун өрөгөй ырыатынан доҕуһуоллатан кыайыылаахтар уонна призердар былаахтарын үөһэ күөрэччи көтөхтүлэр.
Ол курдук орто саастаах уолаттар ортолоругар чөмпүйүөннэринэн буоллулар: 49 кг — Савелий Семениченко (Уһук Илин федеральнай уокурук), 58 кг — Данил Чабан (Уһук Илин федеральнай уокурук), 79 кг — Енхзориг Енхнаирамдал (Монголия Өрөспүүбүлүкэтэ).

Иккис миэстэни ыллылар: 49 кг — Ансар Русбеков (Кыргызстан), 58 кг — Даниель Шаршенов (Кыргызстан), 79 кг — Шохжахон Голибов (Узбекистан).

Үһүс миэстэни ыллылар: 49 кг — Дилмурод Дисмуродов (Узбекистан) уонна Тэнуун Ойунбаяр (Монголия Өрөспүүбүлүкэтэ), 58 кг — Владимир Медведев (Сибиирдээҕи федеральный уокурук) уонна Фирдавс Асинджонов (Узбекистан), 79 кг — Сергей Малетин (Ураллааҕы федеральный уокурук) уонна Емир Шогенов (Москва).

Кыргыттар ортолоругар кыайыылаахтарынан буоллулар: 44 кг — Алина Башарова (Ураллааҕы федеральный уокурук), 54 кг — Анна Галай (Ураллааҕы федеральный уокурук), 65 кг —Варвара Малова (Сибиирдээҕи федеральный уокурук).

Иккис миэстэни ыллылар: 44 кг — Мехрисо Нураддинова (Узбекистан), 54 кг — Алина Коровина (Ураллааҕы федеральный уокурук), 65 кг — Анудари Енхтайван (Монголия Өрөспүүбүлүкэтэ).

Үһүс миэстэни ыллылар: 44 кг — Каракат Рахибай (Казахстан) уонна Екатерина Барабаш (Уһук Илин федеральный уокурук), 54 кг — Дарья Шарапова (Саха сирэ -1) уонна Сарыыл Буйансогт (Монголия Өрөспүүбүлүкэтэ), 65 кг — Сахая Корякина (Саха сирэ-1) уонна Гульзесим Тырлубек (Казахстан).

Оттон бастыҥ тхэквондистарга наҕараадалары «Азия оҕолоро» V оонньуулар кыттыылаахтара олимпийскай призер Паннапа Харнсуджин уонна СӨ Физкультураҕа уонна успуорка миниистири солбуйааччы Гаврил Мохначевскай туттардылар.
Орто саастаах уолаттарга чөмпүйүөннээтилэр: 48 кг — Бехруз Салимов (Узбекситан), 55 кг — Омадбек Отабеков (Узбекситан), 63 кг диэри — Васиф Салимов (Азербайджан).
Иккис миэстэни ыллылар: 48 кг — Ильяс Хатамли (Азербайджан), 55 кг — Степан Гойдь (Беларусь Өрөспүүбүлүкэтэ), 63 кг диэри — Жахангир Серикбаев (Узбекситан).
Үһүс миэстэни ыллылар: 48 кг — Владимир Мороз (Беларусь Өрөспүүбүлүкэтэ), Таскын Темиржан (Казахстан), 55 кг — Александр Михайлов (Ураллааҕы федеральный уокурук), Зия Гасанлы (Азербайджан), 63 кг диэри — Андрей Артеменко (Сибиирдээҕи федеральный уокурук), Бекет Болатулы (Казахстан).
Кыргыттар ортолоругар кыайыылаахтарынан буоллулар: 63 кг — Самира Мукшина (Москва), 63 кг үөһээ — Полина Михальчук (Беларусь Өрөспүүбүлүкэтэ).
Иккис миэстэни ыллылар: 63 кг — Анастасия Смирнова (Беларусь Өрөспүүбүлүкэтэ), 63 кг үөһээ — Феруза Ерназарова (Узбекистан).

Үһүс миэстэни ыллылар: 63 кг — Фатима Хасанова (Азербайджан) уонна Олеся Чаплинская (Сибиирдээҕи федеральный уокурук), 63 кг үөһэ — Наталья Лазарева (Саха сирэ — 1), Айсулу Жанабай (Казахстан).