«Азия оҕолоро»: Инники күөҥҥэ — Узбекистан хамаандата

«Азия оҕолоро» норуоттар икки ардыларынааҕы спортивнай оонньуулар түмүктэннилэр.

Саамай элбэх мэтээллэнэн, Узбекистан хамаандата чорбойон, 1-кы миэстэҕэ таҕыста. 36 кыһыл, 31 үрүҥ көмүс уонна 21 боруонса мэтээллээхтэр. Онтон Сибиирдээҕи уокурук (31-31-32), Беларусь (27-21-30) хамаандалара таҕыстылар. Саха сирин хамаандата төрдүс буолла.

Ахсыс оонньууларга 24 Азия дойдулара кытыннылар, спорт чаҕылхай түгэннэрин бэлэхтээтилэр. 3 тыһыынчаттан тахса талааннаах эдэр спортсменнар кытыннылар.

Арассыыйа Бэрэсидьиэнэ Владимир Путин «Азия оҕолоро»  оонньууларын оҕо-ыччат успуордун эйгэтигэр биир саамай интэриэһинэй уонна ситиһиилээх бырайыагынан ааттаабыта. Ил Дархан  Айсен Николаев «Азия оҕолоро» норуоттар икки ардыларынааҕы успуорт оонньуулара бу сылга аан дойду үрдүнэн оҕолорго биир улахан күрэхтэһиилэринэн уонна саамай үрдүк таһымҥа ыытыллалларын бэлиэтээбитэ.