Кузбасска ыытыллар норуоттар икки ардыларынааҕы «Азия оҕолоро» спортивнай оонньууларга 13 дойду кыттарын бигэргэттэ. Оонньууларга 1000 спортсмен кыттара күүтүллэр. Бу туһунан бүгүн, тохсунньу 20 күнүгэр, Дьокуускайга өрөспүүбүлүкэтээҕи медиа-кииҥҥэ ыытыллыбыт пресс-конференцияҕа «Азия оҕолоро» норуоттар икки ардыларынааҕы кэмитиэт бэрэсидьиэнэ Владимир Максимов иһитиннэрдэ.
«13 дойду кыттарын бигэргэттэ. Билигин сайаапканы тутуу үлэтэ ыытылла турар. Бу үлэ олунньу 1 күнүгэр түмүктэниэҕэ, онно кыттар дойдулары ааттаталыахпыт. Билиҥҥи туругунан, Казахстантан улахан хамаанда кытта кэлэрин билэбит. Итиэннэ Беларусь өрөспүүбүлүкэтиттэн 72 спортсмен күрэхтэһиэҕэ. Бу өрөспүүбүлүкэ бастакытын оонньууларга кыттар», — диэн Владимир Максимов эттэ.
Маны сэргэ кини Кыргызстантан уонна Узбекистантан күүстээх састааптаах хамаандалар кыттарга бэлэмнэрин бэлиэтээн эттэ.
«Азия оҕолоро» кыһыҥҥы оонньуулар быйыл иккис төгүлүн ыытыллыаҕа. Оонньуулар Кемероваҕа, Новокузнецкайга, Междуреченскайга уонна Таштогольскай оройуоҥҥа олунньу 23 күнүттэн кулун тутар 5 күнүгэр диэри буолуохтара. Бырагыраамаҕа успуорт уон көрүҥэ киирдэ.
Саха сирин сүүмэрдэммит хамаандатыгар 62 спортсмен баар. Оҕолор хайа хайыһарыгар, хаҥкыга, хайыһардаан сүүрүүгэ, сноубордка, фигурнай хаҥкылааһыҥҥа уонна хоккейга илин-кэлин түсүһүөхтэрэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…