Хаартыска sakha.gov.ru ылылынна.
Дьокуускайга «Азия оҕолоро» норуоттар икки ардыларынааҕы оонньуулар өрө көтөҕүллүүлээхтик ыытыллаллар. Күрэхтэһии төрдүс күнэ түмүктэннэ.
Спортсменнар бүгүн стритболга, мас-рестлиҥҥэ, художественнай гимнастикаҕа, волейболга, мини-футболга, харбааһыҥҥа, спортивнай тустууга, шахматка, Го оонньууга уонна остуол тенниһигэр илин-кэлин түһүстүлэр.
Саха сирин сүүмэрдэммит хамаандатыгар харбааһыҥҥа үрүҥ көмүс мэтээли Елизавета Бакулина аҕалла. Го оонньуутугар хамаанданан күрэхтэһиигэ түмүккэ өрөспүүбүлүкэ спортсменнара үһүс миэстэни ылары ситистилэр. Кыһыл көмүс уонна боруонса мэтээллэри художественнай гимнастика сүүмэрдэммит хамаандата ылла. Өссө биир боруонсаны Сардаана Куличкина көҥүл тустууга ылары ситистэ. Ону сэргэ, кыһыл көмүс мэтээли мадьыны ылла.
Маны таһынан, Туймаада ыһыаҕа буолар сиригэр — Үс Хатыҥҥа «Азия оҕолоро» норуоттар икки ардыларынааҕы оонньуулар түһүлгэлэрэ тэрилиннэ.
Туймаада Ыһыаҕа быйыл Арассыыйаҕа Дьиэ кэргэн сылыгар, Саха сиригэр Оҕо саас сылыгар уонна «Азия оҕолоро» VIII оонньууга ананна.
«Азия оҕолоро» аан бастаан ыһыаҕы кытта алтыста. Норуоттар икки ардыларынааҕы штаб-квартира Дьокуускайга баарынан, түһүлгэ тэрийэргэ быһаарыы ылыллыбыта», — диэн кэпсиир «Азия оҕолоро» норуоттар икки ардыларынааҕы кэмитиэт Бэрэсидьиэнэ Владимир Максимов. Кини ыалдьыттар Саха сиригэр сылдьыбыттарын, Оонньуулары сэргэ, Ыһыаҕы эмиэ өйдүүллэригэр-саныылларыгар эрэнэрин биллэрдэ.
СӨ Ил Дарханын уонна Бырабыыталыстыбатын пресс-сулууспата
Бүгүн, алтынньы 27 күнүгэр, Эдьигээн, Усуйаана, Аллайыаха, Аллараа Халыма улуустарыгар соҕуруулуу-арҕааттан 15-20 м., Анаабыр, Булуҥ…
Соторутааҕыта итиигэ буһан, сэрэхтээх эчэйиини ылан, Өрөспүүбүлүкэтээҕи 2 №-дээх балыыһа Ожоговай отделениетыгар эмтэннибит. Итиигэ буһууну…
Сэмэнчик сибээскэ тахсыбатаҕа хас да хоммутун туһунан сонуну истибиппит. Дьоно хамандыырын кытта кэпсэппиттэригэр: “Кэтэһэбит, арааһынай…
Кыбартыыра бас билээччитэ өлбүтүнэн нэһилиэстибэни ылыахха диэри онно регистрациялаах олохтоохтор, аймахтар уонна нэһилиэнньиктэр олорор бырааптара…
Былырыын Хэбэй акробатическай (цирковой) ускуустуба оскуолата Саха сириттэн 20 оҕону ылан үөрэтэргэ сөбүлэҥин биэрбитэ. Пекиннээҕи…
Ааспыт суукка иһигэр Саха сиригэр түөрт техногеннай баһаар тахсыбыта бэлиэтэннэ. Быһылааннар түмүктэригэр эчэйбит уонна өлбүт…