Ааптар хаартыскаҕа түһэриитэ
Бэс ыйын 26 күнүгэр өрөспүүбүлүкэтээҕи медиа-кииҥҥэ “Азия оҕолоро” норуоттар икки ардыларынааҕы ахсыс спортивнай оонньууларга бэлэмнэнии үлэтин туһунан пресс-кэмпириэнсийэ буолла. Тэрээһиҥҥэ «Азия оҕолоро» норуоттар икки ардыларынааҕы кэмитиэтин бэрэсидьиэнэ Владимир Максимов уонна СӨ Физическэй култуураҕа уонна успуорка миниистирэ Леонид Спиридонов кыттыыны ыллылар.
«Азия оҕолоро» ахсыс төгүлүн 2024 сылга бэс ыйын 25 күнүттэн от ыйын 7 күнүгэр диэри Дьокуускайга ыытыллыахтара. Тэрийээччилэр бэлиэтээбиттэринэн, аныгыскы оонньууларга успуорт саҥа көрүҥнэрин киллэриэхтэрэ. Ол иһигэр кикбоксинг, интеллектуальнай оонньуулар, спортивнай үҥкүү, «Го» дуоска оонньуута, альпинизм уо.д.а. Бу саҥа салаалар күрэх географиятын, арааһын элбэтиэхтэрэ.
Оонньуулар ыытыллар кэмнэригэр уопсайа 16 эбийиэк туһаныллыаҕа — спортивнай комплекстар, былаһааккалар уонна кыттааччылары, бэрэстэбиитэллэри, тириэньэрдэри олордор уопсай дьиэлэр. Билиҥҥитэ өрөмүөн үлэтэ бара турар. Эбийиэктэр өрөмүөннэригэр 1 млрд. солк. үп көрүллүбүт.
Тэрийээччилэр сүрүн сыаллара — күрэхтэһиини успуорт балаһыанньатынан таһымнаахтык ыытыы. Улахан болҕомто эбийиэктэри, куораты, култуурунай бырагырааманы бэлэмнээһиҥҥэ ууруллар. Тэрээһиҥҥэ уопсайа 1800 волонтер үлэлилиэҕэ. Волонтердарынан 16 саастарыттан үөһэ саастаах оҕолор буолуохтарын сөп.
Култуурнай бырагыраамаҕа оонньууну арыйыы, сабыы сиэрэ-туома, уот эстафетата бааллар. Онно биллиилээх режиссердар кандидатураларын көрөллөр. Комсомольскай болуоссат култуурнай пааркатын тэнитиэхтэрэ. Манна кыайыылаахтары наҕараадалааһын буолуоҕа.
От ыйын 17-20 күннэригэр аан дойдуттан бэрэстэбиитэллэри кытта оонньууга бэлэмнэнии сэминээрэ былааннанар.
Диана Антонова
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…