«АЗИЯ ОҔОЛОРО»: Мария Силкина уонна Роман Курассов хайаҕа ыттыыга бастыҥнар

«Азия оҕолоро» оонньууларга хайаҕа ыттыыга бастыҥ спортсменканан Сибиир федеральнай уокуругуттан Мария Силкина буолла. Уолаттар ортолоругар Казахстантан Роман Курассов кыайыылааҕынан таҕыста.

Казахстан Өрөспүүбүлүкэтин сүүмэрдэммит хамаандатын спортсменката хайаҕа ыттыыга  7 сааһыттан дьарыктанарын уонна күрэхтэһиигэа утарсааччылар олус бэлэмнээхтэрин бэлиэтээтэ. Күрэхтэһиигэ Кыргызстан, Казахстан, Азербайджан уонна  Арассыыйа биэс эрэгийиэниттэн спортсменнар кытыннылар. «Азия оҕолоро» оонньуу бырагырааматыгар хайаҕа ыттыы успуорт көрүҥэ билиһиннэрии көрүҥүн быһыытынан киллэриллибитэ.

Ил Дархан Айсен Николаев көҕүлээһининэн уонна дойду олимпиецтарын өйөөһүн пуондатын көмөтүнэн, « Дохсун» успуорт уораҕайыгар саҥа тутуллубут хайаҕа ыттар дром  аан дойду ирдэбилигэр барытыгар эппиэттиир. Онон инникитин Саха сиригэр бу успуорт көрүҥэ сайдарыгар тирэҕириэҕэ.

Санатан эттэххэ, «Азия оҕолоро» норуоттар икки ардыларынааҕы спортивнай оонньуулар Дьокуускай куоракка бэс ыйын 26 күнүттэн от ыйын 7- гэр диэри ыытыллаллар. «Азия оҕолоро» норуоттар икки ардыларынааҕы спортивнай оонньуулар кыттыылаахтарыгар дойду Бэрэсидьиэнэ Владимир Путин оҕо-ыччат успуордун сайдыытыгар, олимпийскай хамсааһыннар идиэйэлэрин киэҥ араҥаҕа тарҕатыыга, араас дойдулар икки ардыларыгар доҕордоһууну бөҕөргөтүүгэ улахан суолталаах кылааты киллэрэллэрин бэлиэтээбитэ.
Ил Дархан Айсен Николаев Оонньуулар үөрүүлээх аһыллыытын  сиэригэр-туомугар Саха сиригэр биир саамай улахан куората оҕо саас, успуорт, доҕордоһуу бырааһынньыгар бэйэтин сүрэҕин арыйарын уонна доҕордоһуу буолуу сыаһыаны Азия араас дойдуларын эдэр ыччата өрүү өйдүү-саныы, ыалдьытымсах Саха сирин үтүө өйдөбүлүн харыстыы сылдьалларыгар баҕарбыта.