«Азия оҕолоро» оонньууларга 2000 кэриҥэ волонтер үлэлиэҕэ

Эһиил Дьокуускайга ыытыллар «Азия оҕолоро» норуоттар икки ардыларынааҕы ахсыс оонньууларга 2000 кэриҥэ волонтер үлэлиэҕэ, ол иһигэр Арассыыйа атын эрэгийиэннэриттэн уонна тас дойдулартан волонтердар. Бу туһунан Ил Дархан Айсен Николаев телеграмм-ханаалыгар иһитиннэрдэ. 

«Наука дьоҕус академиятыгар волонтердар тим-лидердарын бэлэмнээн саҕалаатылар. Уопсайа 100 тим-лидер волонтердарга көмөлөһүөхтэрэ уонна кинилэр үлэлэрин салайыахтара. Оҕолор билигин үөрэх куурсун ааһаллар, хамаанданан сатаан үлэлииргэ үөрэнэллэр», — диэн Айсен Николаев бэлиэтээтэ.

«Азия оҕолоро» оонньууларга волонтерунан ким баҕарар буолуон сөп. Сайаапканы бу сыылканан киирэн ыытаҕыт.

Санатан эттэххэ, күрэхтэһии 2024 сылга бэс ыйын 25 — от ыйын 7 күннэригэр ыытыллара былааннанар.