Хаартыска: СИА
Бэс ыйын 26 күнэ, «Туймаада» стадион. Бу киэһэ дьон-сэргэ стадион аттыгар тоҕуоруста, аан дойду болҕомтото хатанна. Күнэ-дьыла да туран биэрдэ, чаҕылхай күннээх, сылаас, бэртээхэй киэһэ буолла.
Стадиоҥҥа киирэргэ икки сиргэ билиэти, суумкалары бэрэбиэркэлииллэр. Онон киирэргэ анньыһыылаах, кэтэһиилээх этэ.
Дьэрэкээн таҥастаах оҕолор сүүрэн бытарыһан киирэн, стадиоҥҥа үҥкүүлээн бардылар. «Азия оҕолорун» бэлиэлэрэ Сайыына моҕотой, Модун диэн сэлии оҕото киирэн, эҕэрдэлээтилэр.
Арассыыйа былааҕын олимпийскай чөмпүйүөн Павел Пинигин, норуодунай учуутал Виктор Потапов, кардиологическай сулууспаны төрүттээбит, хирург-быраас Петр Захаров, Андрей Борисов, үтүөлээх тириэньэр Андрей Кулагин, уо.д.а. тутан киирдилэр.
Арассыыйа гимнэ тыаһаабытыгар дьон бары сүһүөхтэригэр туран, иһиттилэр.
Дьэ, хамаандалар парааттаан киирдилэр. Бастаан судьуйалар, Саха сирин хамаандалара киирбиттэрин, көрөөччүлэр уруйдуу көрүстүлэр. Саамай элбэх киһилээх хамаандаларынан Белоруссия, Казахстан, Узбекистан хамаандалара буоллулар. Соннук ох курдук оҥостон, кыайардыы-хотордуу тэринэн кэлбиттэр.
Саха сирин хамаандатын чилиэннэрэ бука бары сахалыы таҥнан, кылгас, үрүҥ халадаайы, курдаах ырбаахыны, тириэньэрдэр хомуһуолу кэтэн киирбиттэрэ бэрт сонуннук, уратытык көһүннэ! Трибуналар кинилэри өйөөн, ыһыы-хаһыы бөҕөнөн уруйдуу-айхаллыы көрүстүлэр.
Барыта 24 дойдуттан, 5 уокуруктан, эрэгийиэннэртэн кытта кэлбиттэр.
Оонньуулары 707 судьуйа дьүүллүөҕэ. Дьэ, бу күннэргэ кытаанах киирсиилэр саҕаланыахтара!
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…
Дьокуускайга Бүлүүлүүр суолга баар сыбаалка билигин да умайа турар. Уоту умуруорар үлэ ыытыллар диэн киин…
Бүгүн Дьокуускай куоракка Опера уонна балет тыйаатырын дьиэтигэр өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III…