«Азия оҕолоро»: оонньуу сэттис күнүн кыайыылаахтара наҕараадаланнылар

Далааһыннаах күрэхтэһии сэттис күнэ түмүктэннэ. Кыайыылаахтары наҕараадалааһын үөрүүлээх быһыыга-майгыга буолла.

Дьокуускайга Комсомол болуоссатыгар бүгүн тустууга (сурдоборьба), чэпчэки атлетикаҕа, буулдьанан ытыыга, баскетболга, спортивнай үҥкүүгэ уонна дзюдоҕа кыайыылаахтары уонна призердары наҕараадалаатылар.

Сэттэ күннээх күрэхтэһии түмүгүнэн, Саха сирин ьхамаандата 49  мэтээллээх диэн СИА суруйар.

Бу күн успуорт алта көтрүҥэр барыта 132 мэтээл оонньонно. Бүгүҥҥү күҥҥэ 560 спортсмен наҕараадаланна. Официальнайа суох хамаанданан зачет лиидэрдэригэр 22 кыһыл көмүс мэтээллээх Беларусь хамаандата таҕыста. Кинилэр эстэпиэтэҕэ уонна баскетболга үчүгэй түмүктэри көрдөрдүлэр.

Кулгаахтарынан мөлтөхтүк истэр спортсменнарга тустууга 62  кг. диэри ыйааһыннаахтарга кыайыылааҕынан Саха сирин спортсмена  Александр Никитюк, иккискэ Сибиир ФУо спортсмена Тихон Постников, үһүскэ Уһук Илин ФУо кэлэн кыттыбыт Никита Рыбченков таҕыстылар. 52 кг. диэри ыйааһыннаахтарга  Баярсайхан Оюнтуяа (Монголия) бастакы, иккис Адилет Ефимов (Саха сирэ), үһүс Начын Кара-сал (Сибиир ФУо) буоллулар. 44 кг. диэри ыйааһыннаахтарга Доржу Тулуш (Сибиир ФУо) кыайыылааҕынан таҕыста. Борис Оненко (Уһук Илин ФУо) иккистээтэ, Алгыстаан Колодезников (Саха сирэ) үһүстээтэ.

Чэпчэки атлетикаҕа 3000 м сүүрүүгэ кыргыттарга Анастасия Сильченкова (Узбекистан) кыайда. Уолаттарга Георгий Шумков (Уһук Илин ФУо) бастаата.

Москваттан кэлбит спортсменка Анна Андреева саха национальнай ыстаныыларыгар «куобахха» үһүс рекордун олохтоото. Кини 18,48 м. ыстанна, оттон троеборьеҕа — 65,96 м. Үрүҥ көмүһү уонна боруонсаны Саха сирин спортсменнара Дарья Громова уонна Маргарита Тумакова ыллылар.

Уолаттарга «куобахха» Максим Семенов (Саха сирэ) кыһыл көмүс мэтээли ылла уонна троеборьеҕа рекорд олохтоото — 114,53 м. Үрүҥ көмүһү Марк Никитин (Саха сирэ) ылла. Боруонсаҕа Казахстан бэрэстэбиитэлэ Глеб Клепинин тигистэ.

Уһуну ыстаныыга кыайыылаахтарынан Лев Кукушкин (Уһук Илин) уонна Дарья Ветрова (Москва) буоллулар.

4 х 100 м. эстэпиэтэҕэ кыргыттарга уонна уолаттарга Беларусь Өрөспүүбүлүкэтин хамаандата инники күөҥҥэ таҕыста. 400 м. барьердаах сүүрүүгэ Екатерина Новик (Беларусь) уонна Лев Кукушкин (Уһук Илин ФУо) кыайдылар.

Буулдьанан ытыыга түмүккэ, Саха сирин бастакы хамаандатын бэрэстэбиитэллэрэ Валерия Винокурова уонна Николай Яковлев (пааранан ытыыга) пневматическай бинтиэпкэнэн 10  м. тэйиччиттэн сыалы ытыыга бастыҥынан буоллулар. Иккискэ Арина Бугай уонна Никита Хмелев (Урал), үһүскэ Анна Герасимова уонна Иван Кормышев (Сибиир ФУо) таҕыстылар.

Пневматическай бэстилиэтинэн уон м. тэйиччиттэн пааранан ытыыга Виктория Ераскумова уонна Константин Петров (Саха сирэ) боруонсаны ыллылар. Манна Москваттан кэлбит Павел Береснев уонна Анастасия Орешкокыайыыны ыллылар. Үрүҥ көмүскэ Матвей Юбков уонна София Бренальдзе (Сибиир ФУо) тигистилэр.

Баскетболга 3×3 уолаттарга уонна кыргыттарга Беларусь сүүмэрдэммит хамаандата чөмпүйүөннээтэ. Уолаттарга үрүҥ көмүһү Узбекистан спортсмена ылла. Боруонса — Ураллааҕы ФУо. Кыргыттар ортолоругар Урал ФУо хамаандата иккистээтэ, Казахстан — үһүстээтэ.

Лев Огорельцев уонна Валерия Подрядова (Ураллааҕы ФУо) спортивнай үҥкүүгэ «двоеборьеҕа» 14-15  саастаах уолаттарга уонна кыргыттарга чөмпүйүөннээтилэр. Иккис бириистээх миэстэни Матвей Рублев уонна Анастасия Селифонова (Москва), үсүһү Дмитрий Мельников уонна Анастасия Самойлова (Сибиир ФУо) ыллылар.

Дзюдоҕа Казахстан спортсменнара күүстээхтэрин көрдөрдүлэр. Биэс кыһыл көмүс, икки үрүҥ уонна биэс боруонса мэтээллэр хаһаайыннарынан буоллулар.