“Азия оҕолоро” оонньуу уотун Михаил Николаев түмэлигэр биэрдилэр

“Азия оҕолоро” оонньуу уотун Михаил Николаев түмэлигэр биэрдилэр

19.06.2024, 17:05
Хаартыска: /yakutsk2024.org/news
Бөлөххө киир:

“Азия оҕолоро” норуоттар икки ардыларынааҕы VIII спортивнай оонньуулар уотун Саха Өрөспүүбүлүкэтин бастакы бэрэсидьиэнэ, “Азия оҕолоро” оонньууну төрүттээбит Михаил Ефимович Николаев төрөөбүт дойдутугар – Хаҥалас улууһун Өктөм сэлиэнньэтигэр баар “Николаев-киин” архыып-бибилэтиэкэтигэр бэлэх быһыытынан биэрдилэр.

Быйылгы Оонньуу уотун алюминий холбоһугуттан үс өҥнөөн оҥорбуттар. Бу Саха сирин баай айылҕатын туоһулуур: халлаан күөх – халлаан, от күөх – тайҕа уонна маҥан – салгын. Факел 1,8 киилэ ыйааһыннаах, онон илдьэ сылдьарга чэпчэки, табыгастаах.

“Азия оҕолоро” оонньуулар – бу Саха сирин бастакы бэрэсидьиэнэ оҕо успуордун сайыннарарга уонна норуоттар икки ардыларынааҕы бииргэ үлэлэһиини бөҕөргөтөргө анаан тэрийэн хаалларбыт  нэһилиэстибэтэ. Күн бүгүн Азия континенын барытын сомоҕолуур оҕо успуордун норуоттар икки ардыларынааҕы соҕотох тэрээһиннэринэн буолар” – диэн “Азия оҕолоро” оонньуулар дирекцияларын генеральнай дириэктэрэ Михаил Сивцев этэр.

1995 сыллаахха балаҕан ыйын 19 күнүгэр оҕо успуордун тупсарар, салгыы сайыннарар инниттэн “1996 сылга “Азия оҕолоро” оонньуулары ыытар туһунан” Михаил Николаев Ыйааҕа тахсыбыта.

Бастакы Оонньуу 1996 сыллаахха атырдьах ыйын 9-16 күннэригэр Дьокуускай куоракка буолбута. Оччолорго 6 тас дойду уонна 4 Арассыыйа эрэгийиэнин хамаандалара кыттыбыттара. 250 эдэр кыттааччыга анаан 75 мэтээл кэмпилиэги оонньоппуттара.

Санатан эттэххэ, “Азия оҕолоро” норуоттар икки ардыларынааҕы VIII спортивнай оонньуулар бэс ыйын 25 күнүттэн от ыйын 7 күнүгэр диэри Дьокуускай куоракка ыытыллыахтара. Успуорт 24 көрүҥүнэн 239 мэтээл кэмпилиэги оонньотуохтара.

+1
2
+1
0
+1
0
+1
0
+1
0
+1
0
+1
0
Бары сонуннар
Салгыы
21 июля
  • 28°C
  • Ощущается: 28°Влажность: 39% Скорость ветра: 2 м/с

Сообщить об опечатке

Текст, который будет отправлен нашим редакторам: