«Азия оҕолоро» оонньууга 3 тыһыынча спортсмен кыттарга бэлэм

2024 сылга Дьокуускайга ыытыллыахтаах “Азия оҕолоро” норуоттар икки ардыларынааҕы спортивнай оонньууларга 3 тыһыынчаттан тахса кыттааччы кэлэрэ күүтүллэр.

Ил Дархан Айсен Николаев быһа эпиир кэмигэр эппитинэн, элбэх спортсменнар эһиил кытта кэлэргэ бэлэмнэрин туһунан биллэрбиттэр. Холобур, Белоруссия хамаандата кэлиэн сөп, ол туһунан Азия Олимпийскай сэбиэтигэр быһаарбыттар.

— Бу кэмҥэ диэри киин куораппытыгар балысхан үлэ барыахтаах: тупсарыы, көҕөрдүү, киэргэтии, уо.д.а. Федеральнай киин көмөтүнэн элбэх дьайыылаах спортивнай  икки сааланы тутары былаанныыбыт. Болдьоҕо ыгым, үлэ элбэх, ол эрээри, олоххо киириэ диэн эрэнэбин, — диэн кини эттэ.

Азия Олимпийскай сэбиэтин көрдөһүүтүнэн, “Азия оҕолоро” оонньуулар буолар күннэрэ көһөн биэрбитэ – 2024 сыл бэс ыйын 25-от ыйын 7 күннэригэр ыытыллыахтара. Көһөрүү төрүөтэ – Парижка буолуохтаах олимпийскай оонньуулары кытары ситимнээх диэн СИА суруйар.