«Азия оҕолоро» оонньууларга 100-тэн тахса волонтерга ураты бэлиэ туттарыахтара
25.06.2024, 10:30
Хаартыска: СИА
Бөлөххө киир:
VIII «Азия оҕолоро» спортивнай оонньуулар кэмигэр Дьокуускайга аан бастакытын 100-тэн тахса волонтерга анал бэлиэ туттарыахтара.
Бу туһунан «Азия оҕолоро» оонньуулар кэмитиэтин Бэрэсидьиэнэ Владимир Максимов иһитиннэрдэ. «Ааспыт сылга үс уонна онтон элбэх оонньууга кыттыбыт волонтердарга анал бэлиэ туттарар туһунан быһаарыы ылыныллыбыта. Быйылгыттан бу бэлиэни 100-тэн тахса киһи ылар буолла, бу олус үөрүүлээх. Бу аата «Азия оҕолоро» — успуорт бырайыага эрэ буолбакка, араас дойдулар уонна эрэгийиэннэр олохтоохторун биир тыыҥҥа түмэр бырайыак буолар», — диэтэ Владимир Максимов.
Волонтердары кытта көрсүһүү бэс ыйын 24 күнүгэр «Модун» успуорт уораҕайыгар ыытылынна.
Санатан эттэххэ, бу бэлиэ волонтер ураты көхтөө үлэтин иһин уонна «Азия оҕолоро»оонньуу сайдыытыгар уопсай кылааты киллэрбитин иһин туттарыллар. Ол курдук, үс оонньууга кыттааччы волонтерга боруонса мэтээли, түөрт оонньууга кыттааччыга — үрүҥ көмүс, биэс уонна онтон ордук оонньууларга кыттааччыга кыһыл көмүс мэтээли туттарыахтара.
«Азия оҕолоро» оонньууларга барыта 1900 кэриҥэ волонтер, ол иһигэр дойду атын эрэгийиннэриттэн уонна тас дойдулартан 200-чэкэ волонтер үлэлиэҕэ.
+1
4
+1
+1
+1
+1
+1
+1
Сообщить об опечатке
Текст, который будет отправлен нашим редакторам: