Хаартыска: "Азия оҕолоро" кэмитиэтэ тиксэрдэ
Саха сирин баһылыга Айсен Николаев Дьокуускайга эһиил сайын ыытыллар “Азия оҕолоро” норуоттар икки ардыларынааҕы успуорт оонньууларын талисманнарыгар ааты талыыга куонкуруһу өрөспүүбүлүкэ олохтоохторугар биллэрдэ. ВКонтакте социальнай ситим страницатыгар этиилэргитин киллэриҥ.
Санатан эттэххэ, успуорт күрэхтэһиилэрин талисманнарынан эрдэ Сэлии оҕото (Мамонтенок) уонна Моҕотой (Бурундук) быһаарыллыбыттара.
“Азия оҕолоро” норуоттар икки ардыларынааҕы VIII успуорт оонньууларын талисманнарыгар үчүгэй ааттары булуҥ! Арассыыйаҕа 2024 сылга успуорт бөдөҥ түгэнигэр кыттыһыҥ!”, — диэн Айсен Николаев телеграм-ханаалыгар ыҥырда.
Сэлии оҕото баараҕай, мындыр уонна үтүө санаалаах буолууну кэрэһилиир. «Азия оҕолоро” норуоттар икки ардыларынааҕы успуорт оонньууларын историятыгар аан бастаан – сылбырҕаны, күүһү уонна түргэни көрдөрөр Моҕотой (Бурундук) киирдэ.
Куонкуруска киһи өйүгэр хатанар интэриэһинэй ааттары толкуйдааҥ: Сэлии оҕотугар уол аатын, Моҕотойго кыыс аатын уонна куонкурус туһунан пуоска ону суруйуҥ. Биир кыттааччы хас да ааты этиэн сөп.
Этиилэргитин Ил Дархан ВКонтакте аккаунугар эбэтэр “Азия оҕолоро» оонньуулар түмсүүлэригэр суруйуҥ.
Куонкурус алтынньы 23 күнүгэр диэри ыытыллыаҕа. Киирбит ааттартан хас биирдии талисмаҥҥа үс бастыҥ ааты талыахтара. Кинилэр ортолоругар куоластааһын социальнай ситиминэн барыаҕа.
Үчүгэй ааты толкуйдаабыт ааптардары “Азия оҕолоро” оонньуулар сувенирнай бородууксуйаларынан, талисманнарынан наҕараадалыахтара.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…