Хаарыска: Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
«Азия оҕолоро» норуоттар икки ардыларынааҕы VIII спортивнай оонньуулар талисманын толкуйдуурга куонкурус биллэрилиннэ. Куонкуруска 14 саастаах оҕолортон саҕалаан улахан дьон, айар кэлэктииптэр, худуоһунньуктар уонна дизайны сатыыр дьон кыттыан сөп.
«Азия оҕолоро» оонньуулар талисманынан ханнык баҕарар дьиҥнээх кыыл эбэтэр өйтөн толкуйдаммыт персонаж да буолуон сөп. Кини оонньулар ыытыллар сирдэрин — Саха сирин көрдөрүөхтээх.
Куонкурус барыта үс түһүмэхтээх буолуоҕа. Бастакы түһүмэх муус устар 18 күнүттэн ыам ыйын 12 күнүгэр диэри ыытыллыаҕа. Кыттааччылар бэйэлэрин дизайн-макеттарын «Конкурс Талисман» диэн бэлиэтээн баран, childrenofasia-yakutsk2024@yandex.ru электроннай почтаҕа ыытыахтаахтар.
Иккис түһүмэххэ дьүүллүүр сүбэ 5 бастыҥ үлэны талан ылан, «Азия оҕолоро» оонньуулар «Вконтакте» социальнай сирэйигэр угуоҕа. Салгыы талыллыбыт үлэлэртэн бастыҥы куоластааһынан быһаарыахтара.
Куонкурус түмүгэ 2023 сыл бэс ыйын 1 күнүгэр биллиэҕэ. Кыайыылаах «Азия оҕолоро» спортивнай оонньуулар дириэксийэтин аатыттан сыаналаах бирииһинэн наҕараадаланыаҕа.
Бастыҥ дизайн-макет кэлэр оонньуулар сүрүн символынан эрэ буолбакка, ону тэҥэ сувенирнай бородууксуйаларга барытыгар киллэриллиэҕэ.
Куонкурус балаһыанньатын кытта СӨ Успуорка уонна физическэй култуураҕа министиэристибэтин уонна «Азия оҕолоро» оонньуулар кэмитиэтин саайтарыгар билсиэххэ сөп.
Оонньуулар эһиил, 2024 сылга Дьокуускай куоракка ыытыллыахтара.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…