«Азия оҕолоро» оонньуулар уотун эстафетата Уус Маайаҕа кэллэ
![](https://sakha-sire.ru/wp-content/uploads/2024/06/17a1045a7f507a75c0834ad14256a1cbad571ad0-1060x596.jpg)
«Азия оҕолоро» оонньуулар саҕаланаллара икки нэдиэлэ хаалла. Бүгүн, бэс ыйын 11 күнүгэр, Уус Маайа бөһүөлэгэр оонньуулар уотун эстафетатын көрүстүлэр.
Уус маайалар эстафетаны Амма улууһуттан тутан, оройуон киинин устун сүүрдүлэр. Ол курдук, биир бастакынан эстафета уотун Уус Маайа бөһүөлэгин баһылыга Дмитрий Малишевскай тутта.
Физкултуура уонна успуорт управлениетын салайааччы, спортсмен-любитель, «Чөл олох» бөлөх салайааччыта Николай Уаров, 2000 сыллаахха ыытыллыбыт «Азия оҕолоро» оонньуулар волейболга сүүмэрдэммит хамаандатын чилиэнэ Екатерина Коршунова, ГТО -2023 Уһук Илиҥҥи куубагын кыттыылааҕа, оскуола үөрэнээччитэ Владимир Моисеев, уо.д.а. көхтөөх, успуорка сыһыаннаах дьон эстафета уотун оройуон киинин уулуссаларын устун илдьэр быраабы ыллылар. Эстафета уотун илдьии саамай эппиэтинэстээх түһүмэҕин ССРС чөмпүйүөнүгэр, Барселонаҕа ыытыллыбыт Олимпийскай оонньуулар кыттыылааҕар, норуоттар икки ардыларынааҕы успуорт маастара Анатолий Филипповка эрэннилэр. Салгыы эстафета уотун Нерюнгри оройуона көрсүөҕэ.
Уопсайа 385 факеллаах дьон, 775 волонтер эстафетаҕа кыттыыны ыллылар. 34 555 км айаны эстафета уота ааста.
![](https://sakha-sire.ru/wp-content/uploads/2024/06/f3b360a490b7a549cb6053600c1db692aff60ad5.jpg)
![](https://sakha-sire.ru/wp-content/uploads/2024/06/c366274d8ba08f6829fcab993b7ac2d1561f138d.jpg)
![](https://sakha-sire.ru/wp-content/uploads/2024/06/54aed62a5b0d193174727ac568ae5ce385ba13ca.jpg)
![](https://sakha-sire.ru/wp-content/uploads/2024/06/be46f88ab6a2ef88abc65d57337282817a91417d.jpg)
![](https://sakha-sire.ru/wp-content/uploads/2024/06/45d540221aa4f7b461dd96600dd4f6667f048fd2.jpg)
![](https://sakha-sire.ru/wp-content/uploads/2024/06/2c72c286fbc58c074ee9fe77b30df50a2e48165b.jpg)
![](https://sakha-sire.ru/wp-content/uploads/2024/06/17a1045a7f507a75c0834ad14256a1cbad571ad0-e1718095820410.jpg)
Сообщить об опечатке
Текст, который будет отправлен нашим редакторам: