Хаартыска: www.sakha.gov.ru
Ыам ыйын 18 күнүттэн “Азия оҕолоро” норуоттар икки ардыларынааҕы VIII оонньуулар волонтердарын үс түһүмэхтээн үөрэтии бара турар.
“М.К.Аммосов аатынан Хотугулуу-Илиҥҥи федеральнай университет “Сэргэлээх уоттара” култуураҕа киинин баазатыгар, ыам ыйын 18 күнүгэр волонтердар уопсай мунньахтара буолбута. Ыам ыйын 20 күнүттэн онлайн көрүҥүнэн үөрэтии түөрүйэҕэ чааһа ыытыллар, бу түһүмэх бэс ыйын 15 күнүгэр түмүктэниэҕэ. “Тим-ледердэр”, “Аккредитация волонтердара” уонна “Экипировка уонна сувенир бородууксуйатын биэрэр волонтердар” хайысхаларын үлэтэ номнуо саҕаламмыта” – диэн “Азия оҕолоро” норуоттар икки ардыларынааҕы сайыҥҥы VIII оонньуулар волонтердарын ыстаабын салайааччыта Айыллаан Винокуров кэпсиир.
Иккис түһүмэх – функциональнай хайысхаларга үөрэтии. Бу олоҕурбут көрүҥүнэн бэс ыйын 18-19 күннэригэр буолуоҕа. Бу кэмҥэ волонтердар бары Дьокуускайга кэлиэхтэрэ. Кинилэргэ анаан “Оонньуу ыытыллар эбийиэктэрэ”, “Волонтердар толорор үлэлэрин хайысхата”, “Волонтердар быраабылалара”, “Оонньуу дьонун бөлөхтөрө”, “Араас култууралар хардарыта алтыһыылара” диэн тиэмэлэрдээх интерактивнай лиэксийэлэри ыытыахтара. Ону тэҥэ, куттал суох буолуутун хааччыйыыга, бастакы көмөнү оҥорууга, о.д.а. лиэксийэлэри ааҕыахтара.
Оонньуу волонтердарыгар уопсай үөрэҕи Роспотребнадзор, СӨ Тас сибээскэ уонна норуоттар дьыалаларыгар министиэристибэтин, СӨ Ис дьыала министиэристибэтин, “Арассыыйатааҕы кыһыл кириэс” уопсастыбаннай хамсааһын эрэгийиэннээҕи салаатын, ГИБДД управлениетын, РФ Гражданскай оборуонаҕа министиэристибэтин ыксаллаах быһыыга-майгыга уонна айылҕа быһылаанын содулун туоратыыга СӨ сүрүн управлениетын салайааччылара, үлэһиттэрэ ыытыахтара.
Үһүс түһүмэх – эбийиэктэри кытта билсии. Манна Оонньуу ыытыллар миэстэлэригэр быраактыка тэриллиэҕэ. Үөрэх бэс ыйын 23 күнүгэр түмүктэниэҕэ.
“Азия оҕолоро” норуоттар икки ардыларынааҕы VIII спортивнай оонньуулар бу сыл бэс ыйын 25 күнүттэн от ыйын 7 күнүгэр диэри Дьокуускай куоракка буолуохтара. Арассыыйа бэрэсидьиэнэ Владимир Путин “Азия оҕолоро” оонньуу оҕо успуордун сайыннарыыга саамай сэргэх, табыллыбыт бырайыак диэн эрдэ бэлиэтээн турар.
Ил Дархан уонна Бырабыыталыстыба пресс-сулууспата.
Ахсынньы 5 күнүгэр Дьокуускайга СӨ Национальнай бибилэтикэтигэр сыллата ыытыллар "Бүтүн Арассыыйатааҕы экологическай дьыктаан" буолуоҕа. Бу…
Саха сирин Суруйааччыларын сойууһа тэриллибитэ 90 сылын бэлиэтиир. Үбүлүөйдээх тэрээһиннэр сэтинньи 27 күнүгэр сарсыардаттан Афанасий…
Сэтинньи 27 күнүгэр Саха сирин Суруйааччыларын сойууһа тэриллибитэ 90 сылын бэлиэтиир үөрүүлээх мунньах буолла. Наталья…
Сэтинньи 21-26 күннэригэр Великие Луки куоракка "Надежды России" диэн Бүтүн Арассыыйатааҕы күрэхтэһии ыытылынна. Манна Саха…
Ил Дархан Айсен Николаев РФ Бырабыыталыстыбатын бэрэссэдээтэлэ Михаил Мишустин ыыппыт стратегическэй сиэссийэтигэр энергоэффективноһы үрдэтии өйөбүлүн…
Ил Түмэн онус уочараттаах пленарнай мунньаҕын бастакы күнүн түмүгүнэн тыа хаһаайыстыбатын боппуруостарынан норуот дьокутаата Александр…