Хаартыска -- СӨ Аҕа баһылыгын уонна бырабыыталыстыба пресс-сулууспата
«Азия оҕолоро» спортивнай оонньуулар ыытыллар эбийиэктэригэр террортан куттал суох буолуутун хааччыйар кэккэ боппуруоһу анал хамыыһыйа мунньаҕар көрдүлэр.
Суолталаах тэрээһини Ил Дархан Айсен Николаев салайан ыытта.
— Оонньуулар саҕаланаллара олох кылгас кэм хаалла. Сайаапкалар киирэ туралларынан сибээстээн, кыттааччы ахсаана элбээн иһэр. Биһиги номнуо спортсменнары олордор уонна аһатар сир ахсаанын элбэтэр боппуруоһу быһааран эрэбит. Онон сибээстээн, терроризмы уонна баһаары бохсуу үлэлэрин күүһүрдүү соруга турар, – диэн мунньахха анаан бэлиэтээтэ Айсен Николаев.
Гражданской оборона дьыалаларын уонна нэһилиэнньэ олоҕор куттал суох буолуутун хааччыйыы миниистирэ Дмитрий Лепчиков «Азия оҕолоро» оонньуулара ыытыллар эбийиэктэрин салайааччыларын кытта тустаах үлэ бара турарын, сотору кэминэн кинилэргэ анаан үөрэтэр-эрчийэр тэрээһиннэри былаан быһыытынан ыытыллыахтарын иһитиннэрдэ.
— «Азия оҕолоро» оонньуулар кэмнэригэр 116 эбийиэк үлэлиэҕэ. Ол иһигэр 11 эбийиэк — «резервнэй». 18 эбийиэккэ күрэхтэһиилэр буолуохтара, 14 эбийиэккэ эрчиллии ыытыллыаҕа, 27 эбийиэккэ эдэр спортсменнар олоруохтара, 34 эбийиэккэ аһыахтара, 16 эбийиэккэ култуурунай тэрээһиннэр ыытыллыахтара, 4 — транспортнай инфраструктура, 3 — салайааччылар, тэрийээччилэр сүбэлэһэр сирдэрэ бэлэмнэр, – диэн иһитиннэрдэ Дмитрий Лепчиков. Кини бу эбийиэктэргэ хонтуруоллуур үлэ барарын бэлиэтээтэ. Быһаарыыны эрэйэр боппуруостар бары ыам ыйын 31 күнүгэр диэри быһаарыллыахтара диэн бэлиэтээтэ миниистир.
Бүгүн, ахсынньы 12 күнүгэр, 202-с түөлбэҕэ саҥа элбэх функциялаах ыччат "Патриот" киинигэр өрөспүүбүлүкэ ыччатын түмүктүүр…
Саха сирин үөрэҕин систиэмэтигэр суолталаах тэрээһинэн буолбут “Сыл учуутала” өрөспүүбүлүкэтээҕи 34-с төгүлүн ыытыллар күөн күрэс…
1941-45 сыллардааҕы Аҕа дойду сэриитигэр Сэбиэскэй норуот кыайыытынан түмүктэммитэ 80 сылынан, Арассыыйаҕа Аҕа дойдуну көмүскээччитин,…
Өрөспүүбүлүкэтээҕи медиа-кииҥҥэ ГТРК «Саха» 20 сыллаах үбүлүөйүгэр анаммыт үөрүүлээх киэһэ буолан ааста. Бу туһунан ЯСИА…
И.Н. Егоров – Горнай аатынан хараҕынан мөлтөхтүк көрөр уонна көрбөттөргө аналлaах өрөспүүбүлүкэтээҕи анал бибилэтиэкэ «Брайль…
Дьокуускайга “Малая родина – Сила России” Бүтүн Арассыыйатааҕы III муниципальнай пуорум сиэссийэтэ түмүктэннэ. Тэрээһин түмүгүнэн…