Дьокуускайга «Азия оҕолоро» норуоттар икки ардыларынааҕы успуорт оонньууларын тэрийэн ыытыыга 1900 волонтер көмөлөһүөҕэ. Хандьыдааттары сүүмэрдээһин түмүктэннэ. Барыта биэс тыһыынча кэриҥэ сайаапка киирдэ.
«Дойду үрдүнэн барыта 53 эрэгийиэнтэн биэс тыһыынчаттан тахса сайаапка киирдэ. Биһиги сүүммэрдэммит волонтерунан 1900 ыччаты таллыбыт. Кинилэр 19 хайысханан үлэлиэхтэрэ. Сүүмэрдээһин резервэлээх оҥоһулунна. Соторутааҕыта Дьокуускайга олорор волонтер оҕолору кытта көрсөн кэпсэппиппит. Кинилэр бары спортсменнары көрсөргө, тэрийээччилэргэ көмөлөһөргө сүргэлэрэ өрө көтөҕүллүүлээх», — диэн «Азия оҕолоро» оонньуу дирекциятын салайааччыта Михаил Сивцев иһитиннэрдэ.
«Азия оҕолоро» оонньуу норуоттар икки ардыларынааҕы кэмитиэтин бэрэсидьиэнэ Владимир Максимов СИА-гар интервью биэрэригэр, улахан тэрээһин чэрчитинэн волонтердарга анаан анал бэлиэ оҥоҥулларын туһунан иһитиннэрбитэ. Кинилэргэ боруонса, үрүҥ уонна кыһыл көмүс бэлиэлэри туттарыахтара. Боруонса — үсүһүн кыттыытын иһин, үрүҥ көмүс — төрдүһүн уонна кыһыл көмүс — биэс уонна онтон элбэхтик кыттыбыттарга.
Санаттахха, Владимир Путин «Азия оҕолоро» дойду араас эрэгийиннэриттэн уонна тас дойдулартан талааннаах оҕолору былаһааккатыгар түмэр, оҕо уонна ыччат успуордун эйгэтигэр биир саамай интэриэһинэй уонна ситиһиилээх бырайыагынан ааттаабыта.
«Азия оҕолоро» норуоттар икки ардыларынааҕы успуорт оонньуулара бэс ыйын 25 күнүттэн от ыйын 7 күнүгэр диэри Дьокуускай куоракка ыытыллыахтара.
Нерюнгри оройуонуттан старшай участковай полиция боломуочунайа, старшай лейтенант Роман Морозов «Народный участковый- 2024» куонкурус эрэгийиэннээҕи түһүмэҕин…
Дьокуускай куорат ИДьМ 2 №-дээх полициятын дьуһуурунай чааһыгар киин куорат олохтооҕо биллибэт эр киһи быһаҕынан…
Саха сиригэр байыаннай дьайыы кыттылаахтарыгар уонна кинилэр дьиэ кэргэттэригэр психологическай көмөнү оҥоруу үлэтэ салҕанар. Ааспыт нэдиэлэҕэ…
Дмитрий Петров аатынан Ытык Күөл 2 №-дээх оскуолата сахалартан соҕотох Албан Аат Уордьанын толору кавалера…
Алтынньы 17-18 күннэригэр РФ Бэрэсидьиэнин иһинэн норуот хаһаайыстыбатын уонна судаарыстыбаннай сулууспа Арассыыйатааҕы академиятын (РАНХиГС) устудьуоннара…
Дьокуускайга Стадухин аатынан уулуссаҕа 14 саастаах уолу кырбаабыт 45 саастаах эр киһиэхэ холуобунай дьыала тэрилиннэ.…